زرمبش رپورٹ
بلوچ سرڈگار یک گوستانکی بستارے دار ایت کہ ایشی پسگاں ربیت ءُ در ربیتیں جنگانی پارست ءَ دژمنانی بگیری ءَ وتی سرڈگارءِ پھازداری کرتگ۔ چہ نواب مھراب ھان، بلوچ ھان نوشیروانی ءُ ھمل جیئند ءَ بگر داں انوگیں راجی جنگءَ بلوچ راج ءِ گوں وتی سرڈگار ءَ مھرءِ یک منانکے۔
دشت کُڈان ءِ جنگ کہ بلوچستان لبریشن پرنٹ ءِ سرمچاراں دہ نومبر دو ھراز بیستءُ چار ءَ کرتگ یا اے جنگ ءَ ربیت ءُ در ربیتیں دوئیں جنگانی پارست ءَ دژمن یک مزنیں کچے ءَ کشتگ کہ تب ءُ سسائی پارست ءَ دژمن سرجم ءَ پروش داتگ۔
بلوچ راجی جنگ وھدے وتی گڈی آسرءَ سر بوتگ ایشی ءِ تہ ءَ چہ مکران ءَ بگر داں کوہ ءِ سلیمان ءَ ھمک ھند ءَ وتی کرد ھمے داب ءَ پیلو کرتگ ھمے وڑ ءَ دشت سرڈگار ءِ بلوچ راجی زرمبشت ءِ تہ ءَچہ وتی نہ ترسیں پسگانی کرد ءِ سوب ءَ جوانیں کاشونی یے۔
دشت کُڈان ءِ جنگ ءَ سرمچاراں چہ سکا نزیک ءَ لشکر ءِ بنجل گوں ترندیں ارش ءَ نشانگ کرتگ ءُ لشکر ءَ داں اداراں سر کشگ نہ اشتگ۔ اے جنگ نہ تیوک ءَ بلوچ راج ءِ سسا ءَ یاداشت بیت بلکیں دژمن ءَ سسائی نادراہ کنت کہ بلوچ راج ءِ زور ھمنچو گیش بیتگ کہ آ دژمن ءِبنجل ءِ تہ ءَ آئی ءَ گوں اے وڑیں ترندیں ارشاں نشانگ کنت بلکیں آئی ءَ چہ بنجل ءَ تچگ ءَ ھم لاچار کنت۔
دشت کُڈان ءَ بی ایل ایپ ءِ جتائیں ٹیم ھوار بیتگ اَنت آیانی تہ ءَ کربان یونٹ، انٹیلیجنس بھرگ، اسپیشل آپریشن اسکواڈ، اسنائپر ٹیکیٹیکل ٹیم ھم ھوار بیتگ کہ بی ایل ایپ ءِ نوکیں جنگانی کارشونیانی منانک اِنت۔
دشت کُڈان جنگ ءَ بی ایل ایپ ءِ کربان یونٹ ءِ نزیکیں ھمبل کیپٹن جمال بلوچ شھید بیتگ ءُ بلوچ گوستانک ءِ تہ ءَ وت ءَ پہ مدامی نمیران ئے کرتگ۔
