بی وائی سی ءِ سروک سمی دین ءَ ماں چاگردی رسانکدر ایکس ءَ نبشتگ کہ زی ملیر ءَ زھرشانی روانک ءَ سے ادار ءَ پد چہ ملیر شراپی ءَ مئے ھشت مردم دزگیر کنگ بیتگ، آیانی تہ ءَ دو ورنا مجیب ء اسلم ءُ امرانء مولابکش ھم ھوار اَنت کہ ھژدہ سال امر اِنت۔دزگیر بیتگیں مردمانی کھولاں دوشی زھرشانی کرتگ ءُ مرچی سھب ءَمنی گون ءَ ھوار آمنہ بلوچ، پوزیہ بلوچ ءُ آدگہ شانزہ مردم کہ آیانی تہ ءَ دزگیر بیتگیں مردم ھوار اَنت، بے بیاد ءُ ناھکیں کیسانی رد ءَ ایپ آئی آر کرتگ۔
آئی ءَ گوشتگ کہ 18 جنوری ءَ لیاری ءَ مئے زھرشانی ءِ میان ءَ دزگیر بیتگیں مردمانی تہ ءَ بلوچ یکجھتیی کمیٹی ءِ کمک سرکماش لالا وھاب بلوچ ، کماشیں شھری ءُ ورنا ھوار اَنت انگت ءَ پولیس ءِ کِر ءَ بند اَنت۔
سمی دین ءَ گوشتگ کہ ما گوں درسیں انسانی ھکانی ادارہ ءُ گلاں لوٹ کن ایں کہ پہ سیاسی توار ءِ دارگ ءُ زھرشانی کنوکیں درکانودی دزگیری ءِ بگیری ءَ توار چست بہ کن اِت۔
