اسلام آباد: دہ سال پیش چہ ھزدار ءَ پاکستانی لشکر ءِ دست ءَ زور بیگواہ کنگ بوتگیں چنگیز ءِ گھار ا اپزا سلام آباد ءَ شتگ ءُ پریس کلب ءِ دیم ءَ برجاھیں زھرشانی نندانک نشتگ ءُ وتی تامربندے ءَ وتی برات چنگیز ءَ ھوار درسیں بیگواھیں مردمانی آجوئی ءَ لوٹ کرتگ۔
آئی گوشتگ اِنت کہ ما مشکے ءِ جھمنندیں منی برات چنگیز 11 جنوری 2014 ءَ چہ ھزدار ءَ آوار جنگ ءُ بیگواہ کنگ بوتگ، آئی ءِ ھچ وڑیں ھال نیست کہ چون ءُ چہ پیم اِنت۔ منی برات ءِ زوریں بیگواھی ءَ دہ سال سرجم من نزانیں اے سال ما چون گوازینتگ اَنت، ما ھمک روچ ودار ءَ نشتگیں چنگیز کدی واتر کیت۔
اپزا ءَ گوشتگ کہ من یک بلاھیں اوستے داشتگ ءُ اسلام آباد ءَ آتکگاں منی برات چنگیز ءَ ھوار منی درسیں بلوچیں برات آجو کنگ بہ بنت۔
