بلوچ یکجھتی کمیٹی ءِ جارکش ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچ چکچینی ءِ بگیری ءَ برجاھیں مردمانی زھرشانی زرمبشت ءَ مرچی 43 روچ سرجم بوتگ۔ اے وھدانی میان ءَ ریاست ءَ وتی سنگینی ءُ زمہ واریانی پیلو کنگ ءَ اَبید زوراکی گیش کرتگ اَنت۔ ایشی بگیری ءَ بلوچ یکجھتی کمیٹی 3 جنوری ءَ اسلام آباد نندانک ءَ اے زرمبشت ءِ سیمی پیز ءِ جارجتگ۔ ایشی ءِ تہ ءَ بلوچستان ءَ ھوار تیوگیں پاکستان ءَ زھرشانی کنگ بیت۔
آئی ءَ گوشتگ کہ 07 جنوری 2024 شال / شراپی گوٹھ ملیر، 08 جنوری 2024 کیچ / پنجگور، 09 جنوری 2024 کلات / منگچر / سوراب / مستونگ، 10 جنوری 2024 کوھلو / ڈیرہ بگٹی / ڈیرہ گازی ھان / بارکھان تونسہ / رکنی، 11 جنوری 2024 ھاران / بسیمگ / نوشکے / دالبندین، 12 جنوری 2024 کراچی، 13 جنوری 2024 ھب چوکی / وندر / اوتل / آواران / مشکے،14 جنوری 2024 نسیر آباد / سبی / لورالائی / بولان، 15 جنوری 2024 ھُزدار / نال / وڈھ / گریشگ، 16 جنوری 2024 گڈانی / گوادر / اورماڑہ / پسنی ءَ زھرشانی کنگ بیت۔
آئی ءَ گوشتگ کہ چہ اے ھنداں ابید دگہ کجام ھم جاہ ءِ مردم زھرشانی کنگ لوٹ اَنت گڑا گوں بلوچ یکجھتی کمیٹی ءِ زمہ واراں رھوت بہ کن اَنت۔
