بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں چاردہ جنوری ءَ سُھب ءِ ھپت ءَ مشکے ءِ ھند بنڈکی ءَ یکیں وھد ءَ چار جتائیں اُرشاں زورگریں لشکر ءُ ایپ ڈبلیو او نشانگ کُرتگ ءُ جانی ءُ مالی تاوان داتگ اَنت۔
آئی ءَ گْوشتگ کہ سرمچاراں چاراں سُھب ءِ سر ءَ بنڈکی ءَ ایپ ڈبلیو او ءِ کارمندانی پھازداریں پاکستانی لشکر ءِ سنگر گوں نوکیں سلاھاں نشانگ کُرتگ، چہ ایشی ءَ دژمن ءِ چار کارمند مُرتگ ءُ دو ٹپی بیتگ۔
آئی ءَ گْوشتگ کہ اے اُرش ءِ تامُر زوت آشوب ءَ شنگ کنگ بیت۔
آئی ءَ گْوشتگ کہ دومی اُرش ءَ سرمچاراں زورگریں لشکر ءِ پیادگیں کارمند نشانگ کُرتگ اَنت، کہ وتی کارمندانی کمک ءَ پیداک بیتگ اَنت، سرمچاراں پیسر ءَ سنگر گپتگ ءُ گوں وتکاریں سلاھاں نشانگ کُرتگ کہ دژمن ءِ سَے کارمند مُرتگ ءُ یکے ٹپی بیتگ۔
میجر گھرام ءَ گْوشتگ کہ سیمی اُرش ءَ سرمچاراں بنڈکی شرین گز ءَ تامیراتی کمپنی ایپ ڈبلیو او ءِ کارمندانی سر ءَ گوں وتکاریں سلاھاں اُرش کُرتگ،اُرش ءَ آیاں جانی ءُ مالی تاوان بیتگ۔
جارکش ءَ گْوشتگ کہ چارُمی کار سرمچاراں بنڈکی ءَ برجاھیں زورگریں پاکستانی لشکر ءِ چیک پوسٹ ءِ سر ءَ گوں ٹوھیں سلاھاں ارش کُرتگ کہ چہ ایشی ءَ زورگریں لشکر ءِ یک کارمندے جاھی مُرتگ ءُ یکے ٹپی بیتگ۔
آئی ءَ گْوشتگ کہ اُرش ءَ پد زورگریں لشکر ءِ جنگی بالیگراب جنگجاہ ءَ اتکگ اَنت ءُ وتی مُرتگین ءُ ٹپی بیتگیں کارمند بُرتگ اَنت۔
آئی ءَ گْوشتگ کہ بی ایل ایپ ءِ جوانیں کار گل ءِ گھتریں جنگی رپک اَنت کہ چہ ایشی ءَ دژمن سَسّائی نادراھی ءِ آماچ اِنت۔
میجر گھرام ءَ اُرش ءِ زمہ واری منّ اِتگ ءُ گْوشتگ کہ داں زورگریں لشکر چہ بلوچستان ءَ در نئیت مئے اُرش ریاست ءِ لشکر ءُ شوربندیانی سر ءَ برجاہ بیت۔
