وتن اے وتن کل شھیداں سلام  | پربند: آھوگ گُل | گشندہ: منھاج مختار

وتن اے وتن کل شھیداں سلام اِنت | ڈاونلوڈ

لچہ:  وتن اے وتن کل شھیداں سلام
پربند : آھوگ گل
گشندہ:منھاج مختار
البم:تک شنگ | نومبر 2018| منھاج مختار
دراجی :00:05:38
وزن:11 ایم بی

گال

وتن اے وتن کل شھیداں سلام اِنت
وتن اے وتن کل شھیداں سلام اِنت
سلام آجوئی جھد ءِ دیداں سلام اِنت
سلام گلزمین ءِ شھیداں سلام اِنت
ابدزندگینان ، ابد رپتگیناں ھزارھاں سلام
وتن اے وتن اے وتن
اے وتن

سلام اِنت تئی کاھان ءِ ارسیگیں گٹاں
سلام اِنت تئی کاران ءِ گیابان ءُ پٹاں
سلام اِنت تئی تاوان ءُ اے جنگ ءِ کٹاں
سلام اِنت تئی شادان گم ءِ دور مَٹ اَنت
تئی آشوب چستیں تواراں سلام
وتن اے وتن ، وتن اے وتن
اے وتن

سلام اِنت تئی بولان ءِ آپشان ءُ گواشاں
سلام اِنت تئی توتک چکار اِنت لاشاں
سلام اِنت تئی جنز ءِ جوان ءُ کماشاں
سلام اِنت تئی دھل ءَ کہ رستر لپاش اَنت
سلام اِنت تئی ملگزاراں سلام
وتن اے وتن ، وتن اے وتن
اے وتن

سلام اِنت تئی کیلکور ءِ بھشتیں سباھاں
سلام اِنت تئی تْراتان ءِ دل ءُ جنگجاھاں
سلام اِنت تئی منگہ ، میار ءُ مڑاھاں
سلام اِنت تئی دوداں ءُ راھبند ءُ راھاں
تئی دیرچاریانی شھاراں سلام
وتن اے وتن ، وتن اے وتن
اے وتن