بھارگاہ | پربند: کریم کزوری | گشندہ: میرین آسکانی

اے زیمر ءِ بارہ ءَ

سرگال: بھارگاہ
البم نام : جی بلوچستان
البم شمارہ: 01
پربند: کریم کزوری
گشندہ: میرین آسکانی
بینجو : زاید زباد
ڈول : مھمد دلنواز
سروز: پیام زنگشاھی
پیش کار : اشکستگ بلوچی ادبی دیوان

گال

مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت
کلیاں نالگ ءُ سیسوگ توار اِنت
چلول ءُ چاھیان ءَ شور ءُ شار اِنت

مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت
مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت

کلیاں نالگ ءُ سیسوگ توار اِنت
چلول ءُ چاھیان ءَ شور ءُ شار اِنت
بڑک ءُ کمری ءُ کبگ ءُ کٹار اِنت
کپوتاں کوکو ءُ بانزاں شکار اِنت
ازابیں شانتلاناں واہ ءُ زار اِنت
بہ یا کہ لائک ء سیل ءُ ندار اِنت
بہ یا کہ لائک ء سیل ءُ ندار اِنت

مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت

بھارگاہ درنز دنت اتر (عطر) ءُ گلاباں
گل ءُ پلانی سرمستیں شراباں
سر ءِ مھنا ءُ سبز رنگیں گشاناں
سپھدار ءُ کھیبی کلکشاناں
تمامیں کوہ ءُ کوچک گل پشاناں (گل افشاناں)
تھاریں شپ شت ءُ اتک ماہ ءِ تاباں
زھیراں جاہ جتگ دل بے کرار اِنت
بہ یا کہ لائک ء سیل ءُ ندار اِنت
بہ یا کہ لائک ء سیل ءُ ندار اِنت

مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت

بھارگاہ پل کنت کلپورگان ءَ
یلیں گلدر ءُ مورت ءُ زامران ءَ
زر اَنت بودھک گوں اتر (عطر)ءُ انبران ءَ (عنبر)

مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت

بھارگاہ اتکگ نو ڈناں بھار اِنت
تمامیں سد ءُ بند پر ءُ چکار اَنت
یلیں دھکان گلائش ء کشار اَنت
بلوچاں گوں پساں سلوات ءُ جار اِنت
شلنگ پادیں بز ءُ میشاں ھوار اَنت
چہ ھر دیم بگ ءُ گورم گار ءُ بار اَنت
ڈگار ءُ دشت ءُ کوچگ سبز ءُ زار اِنت
بہ یا کہ لائک ء سیل ءُ ندار اِنت

مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت
مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت

دلوں شات اِنت پہ مھتاکیں بھارگاہ
یلانی مجلس ءُ دیوان ءُ درگاہ
بلوچی منگہ ءُ براتی مراگاہ
کلمکارانی نکش ءُ گلگلیں براہ
کبیھیں شائرانی شئر ءُ بھارگاہ
ءُ بیھی شائرانی شئر ءُ بھارگاہ
ملوکیں ھمبلانی شادہ ءِ جاہ
کزوری شئر ءُ گالانی شئار اِنت

بہ یا کہ لائک ء سیل ءُ ندار اِنت
بہ یا کہ لائک ء سیل ءُ ندار اِنت

مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت
مروچاں مکران باگ ءُ بھار اِنت
رگاماں گْورتگ ھرجاہ ملگزار اِنت
مروچاں مکران باگ ءُ بھار اِنت

زیمر

بھارگاہ | پربند: کریم کزوری | گشندہ: میرین آسکانی

ازمکار: میرین آسکانی

شنگ بیتگ ماں 2020 Sep 04

  • #
    ٹریک
    تھر
    زمان
  • 7
    بھارگاہ | پربند: کریم کزوری | گشندہ: میرین آسکانی
    ڈیھی
    08:21
    21
    6
    0
  • کریم کزوری