یک برے بل |پربند: سیدھاشمی  | گشندہ: میرین آسکانی

اے زیمر ءِ بارہ ءَ

سرگال: یک برے بل
البم نام : جی بلوچستان
البم شمارہ: 01
پربند: سید ھاشمی
گشندہ: میرین آسکانی
بینجو : زاید زباد
ڈول : مھمد دلنواز
سروز: پیام زنگشاھی
پیش کار : اشکستگ بلوچی ادبی دیوان

تئی ملگوراں ۔۔
تئی ملگوراں نہ چک آں تو اگاں وش نہ بہ ئے
ماھیں دیم ءَ تئی نہ چار آں
نہ چار آں
نہ چار آں
تو اگاں وش نہ بہ ئے

یک برے بل کہ پد ءَ من تئی کل ءَ کایاں
یک برے بل کہ پد ءَ من تئی کل ءَ کایاں
یک برے بل کہ پد ءَ من تئی کل ءَ کایاں

بلکیں ترس ئے نہ شلین آں وتی ھونیں ارساں
نے کہ گوں تو وتی شومیں دل ءِ زنگ ءَ ریچ آں
پہ تئی دوستی ءُ مھر ءَ من نہ بند آں دستاں
ھانی ءُ ماھو ءِ باور بہ کن سوگند اِنت من ءَ
ھانی ءُ ماھو ءِ باور بہ کن سوگند اِنت من ءَ

یک برے بل کہ پد ءَ من تئی کل ءَ کایاں
یک برے بل کہ پد ءَ من تئی کل ءَ کایاں

(نا پہ وش زیملیں آواز ءَ من ریپین آں ترا )
نا پہ وش زیملے گپتار ءَ من ریپین آں ترا
نے کہ من گْوستگیں آ تْرانگاں پرین آں ترا
نا کہ چو نگبھتیں شپاں سھبیگ ءَ نندین ترا
بس چہ تو گڈ سری نیادانی مراداں لوٹ آں
بس چہ تو گڈ سری نیادانی مراداں لوٹ آں

یک برے بل کہ پد ءَ من تئی کل ءَ کایاں
یک برے بل کہ پد ءَ من تئی کل ءَ کایاں

تئی ملگوراں نہ چک آں تو اگاں وش نہ بہ ئے
نا تئی آبریشمیں دستاں تو اگاں وش نہ بہ ئے
ماھیں دیم ءَ تئی نہ چار آں تو اگاں وش نہ بہ ئے
بلے یک سھتکے بل شومیں دل ءَ ساڑین آں
بلے یک سھتکے بل شومیں دل ءَ ساڑین آں

یک برے بل کہ پد ءَ من تئی کل ءَ کایاں
یک برے بل کہ پد ءَ من تئی کل ءَ کایاں

گڈ سری نیاداں تئی شومیں دلوں سک بند اِنت
اے مراد ءَ تا نہ گند آں نہ مر آں سوگند اِنت
کہ در اتک ھم نہ کنت ارواہ چہ گم ءَ بے زند اِنت
اگاں تو من ئے تئی کل ءِ تہ ءَ ساہ دئے آں
اگاں تو من ئے تئی کل ءِ تہ ءَ ساہ دئے آں

یک برے بل کہ پد ءَ من تئی کل ءَ کایاں
یک برے بل کہ پد ءَ من تئی کل ءَ کایاں
یک برے بل کہ پد ءَ من تئی کل ءَ کایاں

زیمر

یک برے بل |پربند: سیدھاشمی | گشندہ: میرین آسکانی

ازمکار: میرین آسکانی

شنگ بیتگ ماں 2020 Sep 04

  • #
    ٹریک
    تھر
    زمان
  • 5
    یک برے بل |پربند: سیدھاشمی | گشندہ: میرین آسکانی
    مھری
    06:39
    8
    3
    1
  • سید ھاشمی