تربت ءَ ایم آئی ءِ کارمند تیر جتگ ءُ کُشتگ۔ بی ایل ایپ

بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں زی بیگاہ ءِ ھپت ءَ کیچ ءِ بنجاھی شھر تربت ءَ تیرگْواری کُرتگ ءُ زاھد مھمود ء انور جھمنند ھیدر آباد سند کُشتگ۔

آئی ءَ گوشتگ کہ زاھد مھمود ملٹری انٹیلیجنس (ایم آئی) ءِ کارمندے بیتگ۔ گْوستگیں چار سال بیت کہ تربت شھر ءَ بیتگ۔ مئے انٹیلیجنس ونگ ءَ یک سالے بیت کہ آئی ءَ چار ءُ ٹپاس کنگ ءَ بیتگ۔ آئی وڑ وڑ ءَ ھندی مردمانی تہ ءَ نشتگ ءُ اِھوتی وتی کار کُرتگ اَنت ءُ پہ ایم آئی ءَ مردم ودی کُرتگ۔ تربت ءَ لینڈ ماپیا ءَ ھمے ایم آئی ءِ کارمند ءِ کمک ءَ مردمانی زمین پہ زور دستیگ کُرتگ اَنت۔

جارکش ءَ گوشتگ کہ گل ءِ انٹیلیجنس ونگ ءِ ھال دیگ ءِ سر ءَ زیکیں بیگاہ ءَ آپریٹینگ اسکواڈ ءَ تیر گْواری کُرتگ ءُ کُشتگ۔ اُرش ءِ میان ءَ ھندی چریک یارجان پنام یاری جھمنند سولبند کیچ ءَ ھم ایم آئی ءِ یک کارمندے ءِ ھواری ءَ مھمود ءِ نشانگ کنگ ءَ پد تیرگْواری کُرتگ ءُ تتکگ۔ سرمچاراں لس مردمانی ساڑی بیگ ءُ آیانی پھریزگ ءَ تیرگْواری نہ کُرتگ داں کہ لس مردم تاوان بار مہ بنت۔ 

آئی ءَ گوشتگ کہ31 جولائی 2023 ءَ مئے سرمچاراں اِھوتی ھالے ءِ سرپد بیگ ءِ پُژدر ءَ سیٹلائٹ ٹاؤن تربت ءَ یک شکی ئیں مردمے دزگیر کنگ ءَ اُرش کُرتگ کہ ھما روچ ءَ یارجان پنام یاری ءَ سرمچارانی راہ بندگ ءِ جُھد کُرتگ کہ سرمچاراں نشانگ کُرتگ کہ چہ ایشی ءَ آ ٹپی بیتگ۔

جارکش ءَ گوشتگ کہ ما یکبرے پد ءَ گوں راج ءَ دزبندی کن ایں کہ چہ ریاست ءِ چریک ءُ لشکر ءَ وت ءَ دور بہ دار ایت داں کہ چہ ھر وڑیں تاوانے ءَ پھریز بہ بیت۔

میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ زورگریں ریاست ءُ آئی ءِ کمکارانی سر ءَ مئے اُرش برجاہ بنت۔

شونکار

شونکار

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

مند: بی ایل ایپ ءِ دیوال نبیسی

پیر جنوری 29 , 2024
کیچ: بلوچستان آجوئی سنگر ( بی ایل ایپ ) ءِ نیمگ ءَ پاکستان ءِ گچینکاری ءِ بگیری ءَ دیوال نبیسی کنگ بوتگ۔ دوشی مند ءِ جتائیں جاھاں سورو ءُ گوک ءَ بی ایل ایپ ءِ نیمگ ءَ دیوال نبیسگ بوتگ اَنت۔ دیوالانی سر ءَ نبشتگ کہ ما گوں شرپمندیں راج […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس