ریڈیو زرمبش اردو | ریڈیو زرمبش اردو

بلوچستان لبریشن فرنٹ کے ترجمان میجر گہرام بلوچ نے جاری بیان میں کہاہے کہ سرمچاروں نے آج صبح گیارہ بجکر بیس منٹ پر کیچ کے مرکزی شہر تربت کے علاقے ڈنُک میں پاکستانی فوج کے ملٹری انٹیلیجنس (ایم آئی) کے حاضر سروس اہلکار ثناءاللہ سکنہ کرک خیبرپختونخواہ کو فائرنگ کرکے ہلاک کیا ہے۔ ایم آئی اہلکار کو سرمچاروں نے اس وقت نشانہ بنایا جب وہ ڈی بلوچ کے فوجی کیمپ سے نکل کر تربت شہر کی جانب جارہا تھا۔ انھوں نے کہاہے کہ ایم آئی کا مذکورہ اہلکار گزشتہ چھ سالوں سے تربت میں تعینات تھا۔ گزشتہ ایک سال سے اس کی ڈیوٹی ڈی بلوچ کیمپ کے ایم آئی برانچ میں تھا جبکہ اس سے پہلے وہ تربت شہر میں واقع ایم آئی کیمپ اور ایف سی کی مرکزی کیمپ میں فرائض سر انجام دیتا تھا۔ ترجمان نے کہاہے کہ ہماری انٹیلیجنس ونگ نے کافی عرصے سے اس پر نظر رکھا ہوا تھا۔ وہ تربت شہر کے علاوہ بالخصوص گوکدان اور ڈنُک میں کافی سرگرم تھا۔ اس نے مخبری کیلئے مقامی افراد کا نیٹ ورک بنایا ہوا تھا جنکی تمام تر معلومات تنظیم کے پاس موجود ہیں۔ بی ایل ایف اس حملے کی ذمہ قبول کرتی ہے۔ اس کے تمام کارندے ہمارے نشانے پر ہیں۔ شہریوں سے اپیل ہے کہ ایسے عناصر سے دُور رہیں۔ یہ حملے بلوچستان کی آزادی تک جاری رہیں گے۔