ریڈیو زرمبش اردو | ریڈیو زرمبش اردو

بلوچ آزادی پسند رہنماء میرعبدالنبی بنگلزئی نے یوم شہداء بلوچستان کی مناسبت سے اپنے ایک پیغام میں شہداء بلوچستان کو خراج عقیدے پیش کرتے ہوئے کہا ہے کہ ہم تمام شہداء کو تہہ دل سے خراج عقیدت پیش کرتے ہیں جنھوں نے بلوچستان کی آزادی اور خودمختاری کے دفاع میں اپنے جان و مال قربان کیے۔ انھوں نے کہاہے کہ شہداء کی قربانیاں بلوچستان کی آزادی کے لیے ہماری رہنمائی کر رہی ہیں۔ ان کی قربانیاں انمول ہیں انھوں نے جس عظیم مقصد کے لیے اپنی زندگیاں نچھاور کیں بلوچ قوم کو اس مقصد کے حصول کے لیے جدوجہد کرنی ہوگی یہی یوم شہدا بلوچستان کا سب سے اہم اور بنیادی پیغام ہے۔