کوئٹہ میں پاکستانی فورسز کے کیمپ پر مسلح افراد نے حملے کے بعد قبضہ کرلیا، حملہ آور فوجی ساز و سامان اپنے ہمراہ لے گئے۔ حملے میں متعدد فورسز اہلکاروں کے ہلاکت کی اطلاعات ہیں۔
ذرائع کے مطابق مسلح افراد کی بڑی تعداد نے پوسٹ پر حملہ کیا اور حفاظتی چوکیوں کو اپنے قبضے میں لیا۔ جبکہ حملہ آور نے فورسز کے عسکری ساز و سامان پر بھی قبضہ لیا،
دوسری جانب پاکستانی عسکری حکام نے حملے کی تصدیق کرتے ہوئے بتایا کہ حملے میں صوبیدار قیصر رحیم ہلاک اور تین اہلکار زخمی ہوئے ہیں تاہم آزاد ذرائع کے مطابق فورسز اہلکاروں کو بڑے پیمانے پر جانی نقصانات کا سامنا کرنا پڑا ہے۔
یاد رہے کہ ماضی میں بلوچ مسلح آزادی پسندوں کی جانب سے بلوچستان کے مختلف علاقوں میں پاکستانی فورسز کے کیمپس پر حملہ کرکے قبضے میں لیا گیا ہے جن میں فورسز کو بڑے پیمانے پر جانی نقصانات کا سامنا کرنا پڑا ہے۔
تاہم حملے کی ذمہ داری تاحال کسی نے قبول نہیں کی ہے۔
.jpg)
