ریڈیو زرمبش اردو | ریڈیو زرمبش اردو

بلوچستان ضلع کوہلو میں نادرا سٹاف کی ناقص کارکردگی اور نااہلی کے باعث شناختی کارڈ اور ب فارم بنوانے والے شہری ذلیل وخوار ہو رہے ہیں،لوگ دود دراز سے اپنے شناختی کارڈ اور بچوں کے ب فارم بنوانے کے لئے خواتین اور ضعیف العمر شخص کو لیکر آتے ہیں مگر نادرا سٹاف کی ناقص کارکردگی اور نااہلی کے باعث لوگ اپنے کارڈ اور ب فارم بنوائے بغیر سارے دن دھکے کھا کر مایوس ہو کر گھر چلے جاتے ہیں۔ یہ بات کوہلو نادرا دفتر کے باہر اپنے بچوں کی ب فارم اور کارڈ بنوانے کے لئے آئے ہوئے شہریوں نے ہمارے نامہ نگار کو بتائی ۔ انھوں نے کہاہے کہ پچھلے کئی دنوں سے ہم دود دراز علاقوں سے گاڑیوں کی بھاری خرچہ اٹھا کر نادرا دفتر میں آتے ہیں مگر نادرا گیٹ پر تعینات پولیس اہلکار ہمیں اندر جانے ہی نہیں دیتے، اگر حادثاتی طور پر اندر گئے بھی تو نادرا عملہ ٹال مٹول کرکے ہمارے بچوں کے ب فارم اور کارڈ وغیرہ نہیں بناتا جس کے باعث ہم ذلیل وخوار ہو رہے ہیں، مگر کوئی سننے والا نہیں ہے۔ شہریوں کا مزید کہنا تھا نادرا دفتر میں تعینات پولیس اہلکار اور دیگر سٹاف اندر جانے اور ب فارم بنوانے کے لئے بھاری پیسوں کی ڈیمانڈ کر رہے ہیں جو لوگ بطور رشوت پیسے دیتے ہیں یا جن کے پاس سفارش ہوتی ہے انکے کارڈ اور ب فارم وغیرہ باآسانی سے بن جاتے ہیں ، جبکہ دور دراز سے آئے ہوئے غریب لوگ زلیل وخوار ہو رہے ہیں۔ یاد رہے سوشل میڈیا پر جاری ایک ویڈیو میں دیکھا جا سکتا ہے کہ صحبت خان نامی پولیس کانسٹیبل شہریوں کے ساتھ دھکم دھکا کرکے کہہ کر رہا ہے کہ ویڈیو جس کو دیکھنا ہے دکھائیں ۔ عوامی حلقوں کا کہنا ہے کہ نادرا دفتر کے دروازے پر کھڑے ایک پولیس اہلکار کا یہ روایہ ہے تو خدا جانے اندر کونسے نمونے بیٹھے ہوئے ہیں۔ انہوں نے ڈی جی نادرا اور دیگر حکام بالا سے نادرا کے نااہل سٹاف کو فوری تبادلہ کرنے کا مطالبہ کیا ہے۔