ریڈیو زرمبش اردو | ریڈیو زرمبش اردو

کراچی : مکلی سے تیں ماہ قبل جبری لاپتہ شاگرد شعیب خشک کو ریاستی اداروں نے آج کراچی جیل سے دوبارہ اٹھاکر جبری لاپتہ کر دیا ہے، احتجاج کا اعلان کرتے ہیں،یہ بات وائس فار مسنگ پرسنز آف سندھ کی سربراہ سورٹھ لوہار، سندھ سبھا رہنما انعام سندھی نے مشترکہ اعلامیہ جاری کرتے ہوئے کہا ہے ۔ انھوں نے کہاکہ تین ماہ قبل ٹھٹہ کے علائقے مکلی سے جبری لاپتہ کئے جانے والے اور بعد میں کراچی جیل میں قید کاٹنے والے شاگرد شعیب خشک کو ضمانت پر رہا ہونے کے بعد آج کراچی جیل کے گیٹ سے پاکستانی ایجنسیوں کے اہلکار اور CTD والے دوبارہ جبری طور اٹھا لے گئے ہِیں ۔ خدشہ ہے کہ شعیب خشک کو سی ٹی ڈی اور اینجنسیوں کے اہلکار جھوٹا مقابلہ دکھا کر جانی نقصان دیں گے ۔ انھوں اعلامیہ میں کہاہے کہ کل سے بھرپور احتجاج کریں گے اور سی ٹی ڈی سمیت تمام اداروں کے خلاف اعلیٰ عدالت میں جائیں گے۔ اس طرح انھوں نے طالبِ علم شعیب خشک کی دوبارہ جبری گمشدگی کے خلاف وائس فار مسنگ پرسنز آف سندھ ، سندھ سبھا اور اس سے لواحقین کی جانب سے کل سے کراچی ، حیدرآباد اور ٹھٹہ میں احتجاج کرنے کا اعلان بھی کرتے ہیں۔ انھوں نے کہاہے کہ شاگرد شعیب خشک کی کراچی جیل سے دوبارہ جبری گمشدگی میں کراچی جیل انتظامیہ ملوث ہے۔ کراچی جیل کے جیلر احسان مہر ، جیل سپریڈنٹ عبدالکریم عباسی ، سی ٹی ڈی اور دیگر ایجنسیاں مل کر سندھی کارکنان پر   غیر انسانی تشدد کروا رہے ہیں اور جبری لاپتہ کروانے میں ملوث ہیں۔ شعیب خشک کو دوبارہ اٹھواکر لاپتہ کروانے میں بھی یہ ہی ملوث ہیں۔  انھوں نے اقوامِ متحدہ ، ایمنسٹی انٹرنیشل ، ایشین ہیومن رائٹس ، ایچھ آر سی پی،  سپریم کورٹ اور سندھ ہائی کورٹ سمیت  تمام انسانی حقوق کے اداروں سے اپیل کی ہے کہ وہ طالب علم کے دوبارہ گمشدگی کا نوٹس لیں۔