ریڈیو زرمبش اردو | ریڈیو زرمبش اردو

بنگلا دیش: خوفناک دھماکہ 19 افراد ھلاک 110 سے زائد زخمی

بنگلا دیش: خوفناک دھماکہ 19 افراد ھلاک 110 سے زائد زخمی

MAR

08
08 / 03 / 2023 ایس آر اے  ,  جسقم

بنگلادیش کے ایک ہول سیل مارکیٹ میں اشیائے ضروریہ کو ذخیرہ کرنے کے لیے استعمال ہونے والی 7 منزلہ عمارت میں خوفناک دھماکا ہوا ہے۔ جس کے نتیجے میں 19 افراد جاں بحق اور 110 سے زائد زخمی ہوگئے ہیں ۔ بنگلادیشی میڈیا کے مطابق دارالحکومت ڈھاکا کی نہایت مصروف ترین اور پرُہجوم ہول سیل مارکیٹ میں واقع 7 منزلہ عمارت میں خوفناک دھماکے کے بعد آگ بھڑ ک اُٹھی اور کچھ منزلیں مکمل طور پر تباہ ہوگئیں۔ دھماکا اتنا زور دار تھا کہ عمارت کا ملبہ دور کھڑے خریداروں پر گرا جس سے زخمیوں کی تعداد 112 تک جا پہنچی۔ جن میں سے زیادہ تر کے سر، ہاتھ اور سینے پر شدید چوٹیں آئیں ۔ عمارت میں دھماکے سے 19 افراد جاں بحق ہوگئے جب کہ 112 زخمیوں میں سے 15 کی حالت تشویشناک ہونے کے باعث ہلاکتوں میں اضافے کا خدشہ ظاہر کیا جا رہا ہے۔ تاحال دھماکے کی وجہ کا تعین نہیں کیا جا سکا ہے۔ پولیس دہشت گردی سمیت تمام پہلوؤں کا جائزہ لے رہی ہے۔