کیچ ءَ دژمنیں لشکر ءِ پنچ کارمند کُشتگ۔ بی ایل ایپ

بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچ سرمچاراں کیچ ءِ ھند مند شیپچار ءَ زورگریں پاکستانی لشکر ءِ سَے گاڑیانی کاروان ءِ سر ءَ پیسر ءَ سنگر گِپتگ ءُ اُرش کُرتگ، کاروان ءَ ھواریں یک گاڑی یے تُرندیں اُرش ءِ زد ءَ اتکگ۔ اُرش ءَ دژمنیں لشکر ءِ پنچ کارمند مُرتگ ءُ دو ٹپی بیتگ۔

کیچ ءَ دژمنیں لشکر ءِ پنچ کارمند کُشتگ۔ بی ایل ایپ

آئی ءَ گوشتگ کہ اُرش پنچ شمبے ءِ روچ ءِ یک ءُ نیم ءِ نزیک ءَ کنگ بیتگ، سَے گاڑیانی کاروان ءِ سر ءَ سرمچاراں پیسر ءَ سنگر گِپتگ ءُ نشانگ کُرتگ،یک گاڑی یے تُرندیں اُرش ءِ زد ءَ اتکگ ءُ گاڑی ءَ سواریں دُرسیں کارمند مُرتگ ءُ ٹپی بیتگ اَنت۔ آدگہ گاڑیاں ھم تاوان بیتگ۔ سرمچاراں دژمن ءِ نزیکیں پانگس ھم نشانگ کُرتگ کہ چہ ایشی ءَ ھم دژمن ءَ تاوان بیتگ۔

جارکش ءَ گوشتگ کہ اے اُرش ءَ سرمچاراں پروش وارتگیں لشکر انچوش بے وس لاچار کُرتگ کہ آیاں یک دانگے تیر جت نہ کُرتگ ءُ وتی ربیت برجاہ داشتگ ءُ تتکگ،کاروان ءَ ھواریں دو گاڑی تچگ ءَ سوبمند بیتگ اَنت۔

آئی ءَ گوشتگ کہ بلوچ راجی گلانی نوکیں کارشونیانی سْوب ءَ پاکستانی لشکر باز سَسّائی ءُ جانی تُرس ءِ آماچ اِنت،پمشکا سرمچارانی اُرشانی زھراں لس آبادیانی سر ءَ مارٹر آس دنت۔

جارکش ءَ گوشتگ کہ بی ایل ایپ کول کنت کہ زورگریں دژمن ءَ گیشتِر سَسّائی پروش دئیں ءُ چہ وتی سرڈگار ءَ دراھگ ءَ لاچار کن ایں۔

بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں سرجمیں بلوچستان ءِ آجوئی ءَ زورگر ءِ سیت مئے نشانگ ءَ اَنت۔

شونکار

شونکار

Next Post

پنجگور ءَ بی ایل ایپ ءِ دیوال نبیسی

جمعہ جنوری 12 , 2024
پنجگور: بلوچستان آجوئی سنگر ( بی ایل ایپ ) ءِ نیمگ ءَ دیوال نبیسگ بوتگ اَنت۔ اھوالکار ءِ رد ءَ دوشی پنجگور وشبود ءَ بی ایل ایپ ءِ نیمگ ءَ پاکستان ءِ وتگڑیں گچینکاری ءِ بگیری ءَ جتائیں جاھاں دیوال نبیسگ بوتگ اَنت۔ دیوالانی سر ءَ نبشتگ کہ بلوچ راج […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس