لندن: بیگواھیں تاج مھمد سرپرہ ءِ کھول ءِ نندانک آسر بوتگ

لندن: 10 ڈاوئنگ سٹریٹ ءَ برتانیہ ءِ مزن وزیر ءِ گس ءِ دیم ءَ زور بیگواھیں تاج مھمد سرپرہ ءِ کھول ءِ نیمگءَ برجاھیں پنچ روچی زھرشانی نندانک زی آسر بوتگ۔ زھرشانی نندانک ءِ گڈی روچ ءَ زھرشانی کنگ بوتگ کہ مردماں بازیں کچے ءَ بھر زرتگ۔

لندن

زھرشانی ءَ تاج مھمد سرپرہ ءِ کھول، بی این ایم ، ایپ بی ایم، بی آر پی ءِ باسکانی ھواری ءَ آدگہ راج ءُ ھمود ءِ جھمنندیں مردمی ھکانی کارکناں بھر زرتگ۔ زھرشانی کنوکیں مردماں اسلام آباد ءَ برجاھیں زھرشانی نندانک ءِ پلہ مرزی کرتگ۔

لندن

زھرشانی کنوکیں مردماں زور بیگواھیں مردمانی اکس گوں بوتگ اَنت ءُ آیاں زوریں بیگواھی، دروگیں میڑاں زور بیگواھیں مردمانی ناھکیں کوش ءُ پاکستانی لشکر ءِ زوراکیانی بگیری ءَ اوگام جتگ ءُ درسیں زور بیگواھیں مردمانی آجوئی ءِ لوٹ کرتگ۔

زھرشانی ءِ بارو ءَ زور بیگواھیں تاج مھمد سرپرہ ءِ کھول ءِ گوشگ اِنت کہ برتانیہ وزیرءِ گس ءِ دیم ءَ مئے زھرشانی ءِ نندانکءِ مول ھمیش اِنت کہ ما گوں برتانیہ سرکار ءَ ھمے لوٹ ءَ کن ایں آ بلوچستان ءَ پاکستان ءِ زوراکیانی دارگ ءُ زور بیگواھیں مردمانی آجوئی ءَ وتی کرد ءَ پیلو بہ کنت۔ برتانیہ سرکار بلوچستان ءَ زوراکیانی سر ءَ پاکستان ءَ جست بہ کنت۔

شونکار

شونکار

Next Post

باجوڑ پاکستانی لشکر ءِ سر ءَ اُرش ءَ پنچ کارمند مرتگ

پیر جنوری 8 , 2024
ھیرپکتونواہ: باجوڑ ءِ ھند ماموند ءَ پاکستانی لشکر ءِ سر ءَ اُرش ءَ پنچ کارمند مرتگ ءُ چاردہ ٹپی بوتگ۔ پولیس ءِ گوشگ اِنت کہ پولیو ٹولی ءِ پھازداریں پولیس ءِ گاڑی ءِ نزیک ءَ بمب تراکے بوتگ کہ تراک ءِ آسر ءَ پنچ کارمند مرتگ ءُ چاردہ ٹپی بوتگ۔ […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس