آواران ءَ اُرش ءِ زمہ واری بی ایل ایپ ءَ من اِتگ

بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران ءِ میتگ لباچ ءِ چوکو ءَ برجاھیں دژمن ءِ پانگس نشانگ کُرتگ۔

آئی ءَ گوشتگ کہ بی ایل ایپ ءِ سرمچاراں آدینگ ءِ بیگاہ ءِ شش ءَ چوکو ءَ برجاھیں چوکی گوں نوکین ءُ وتکاریں سلاھاں نشانگ کُرتگ، اُرش ءَ زورگریں دژمن ءَ جانی ءُ مالی تاوان بیتگ۔

جارکش ءَ گوشتگ کہ بلوچستان ءَ زوگریں پاکستانی لشکر ءُ جھلی ادارہ پرینٹر کانسٹیبلری ءِ سر ءَ سرمچارانی ترندیں اُرش چیرجنگی رِپکانی بنیاد ءَ کنگ بیگ ءَ اَنت ءُ دیمتر ءَ ھم اے سَسّائی جنگ راھبندی رِد ءَ کارمندانی نشانگ کنگ گل ءِ مول ءُ لوٹ اِنت۔

میجر گھرام ءَ اُرش ءِ زمہ واری منّ اِتگ ءُ گوشتگ کہ ھمے کول ءَ ایں داں دُرسیں بلوچستان ءِ آجوئی ءَ زورگر ءِ سیت مئے نشانگ ءَ اَنت۔

شونکار

شونکار

Next Post

بساک ءِ بنجاھی پتر ءِ دومی دیوان برجم دارگ بوتگ

ہفتہ جنوری 20 , 2024
بلوچ اسٹوڈنٹس ایکشن کمیٹی ءِ بنجاھی پتر ءِ دومی دیوان سرکماش شبیر ءِ سروکی ءَ برجم دارگ بوتگ۔ دو روچی دیوان ءَ مزن کارگشاد ءَ گوستگیں اھوال دیوان ءِ دیم ءَ پیش کنان ءَ شرگداری، گل کاری، ھندی ءُ میان استمانی سیاسی جاورانی سر ءَ گپ ءُ تران ءَ پد […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس