ریڈیو زْرمبش براہوئی | ریڈیو زْرمبش براہوئی,Protest,Baloch-students,Against-closing-turbat-balochistan's-only-university,After-protest-of-,Authorities-suspended-four-students

تربت یونیورسٹی خوانندہ آتا رد ئٹ یونیورسٹی آف تربت نا رجسٹرار باہوٹ چنگیز، یاسر بیبگر، ضمیر شوہاز و بالاچ رضا ءِ یونیورسٹی آن کشانے۔ پن کروک خوانندہ آک لاء ڈیپارٹمنٹ تون اوار یونیورسٹی نا جتا شعبہ آتیٹ خواننگ اسر۔ 

تدوکا دے تیٹ یونیورسٹی نا بست و بند نا کنڈ آن مننگ کروک وڑ ئٹ یونیورسٹی نا ڈسپلن ءِ پرغنگ نا دوبہ ٹی منَہ خوانندہ آتا رزلٹ ءِ پد توننگاسس، خوانندہ آک یونیورسٹی بست و بند نا دوبہ آتے شیف خلیسہ فیصلہ نا برخلاف برانز بناء کریر۔

ہندا وخت آ بیچلر آف سائنس نا ہفتمی سیمسٹر نا خوانندہ آک برانز کریسہ تینا کلاس آتیان ہم بائیکاٹ کریر۔

خوانندہ آتا رد ئٹ تربت یونیورسٹی تینا آئینی حق آتیکن برانز کروکا خوانندہ آتا برخلاف کارروائی کریسس ہراڑان گڈ بست و بند بے چاننگوک وخت اسکان یونیورسٹی ءِ بند کننگ نا پڑو کریسس وا ہم گورنر بلوچستان نا مداخلت آن یونیورسٹی ءِ 10 مئی اسکان ملنگا۔