بلوچستان نا ضلع کیچ ئنا بَھلّا شہر تُربَت آن پاکستانی لشکر نا دو آن بیگواہ مَروکا خوانندہ زمان بلوچ نا دزگیری گْوادر آن پاش کننگا۔
زمان بلوچ نا دزگیری ءِ تدوکا دے سی ٹی ڈی گْوادر سربندر آن پاش کرینے۔
ہندا رد ئٹ زمان بلوچ نا خاہوت زمان بلوچ نا دزگیری ءِ گْوادر آن پاش کننگ نا زی آ ردعمل ترسہ پاریر کہ زمان بلوچ ءِ 10 فروری 2023 آ تُربَت جوسک آن بیگواہ کننگا اوکاںن پد خاہوت اِرا دے اسکان برانز کریسہ سی پیک کسر ءِ ہم بند کریسَس و دا رد ئٹ اسہ پریس کانفرنس ئس ہم کننگاسَس۔
یاتی مرے کہ تُربَت جوسک آن جبر ئٹ بیگواہی آن پد زمان نا خاہوت تُربَت و کراچی ٹی پریس کانفرنس ہم کریر اوکان پد تُربَت سی پیک کسر کوئٹہ ٹو تُربَت ءِ ہوشاب ئٹی بیست ءُ نوہ گھنٹہ اسکان برانز کریسہ تفیر۔
سی ٹی ڈی نا نیمہ آن مُسہ دے نا وخت خوائنگ آن پد خاہوت برانز ءِ بند کریسَس ولے مُسہ دے آن پد زمان نا دزگیری ءِ سی ٹی ڈی چانڑدہ فروری نا دے گْوادر سربندر آن پاش کرے۔
