خاران نا عیلاقہ راسکوہ ٹی درو سہب ئنا سے پاکستانی لشکر نا زوراکی برجاء ءِ۔
ہندی احوال آتا رد ئٹ لشکر زالبول و چُناتا زی آ زوراکی کرینے ہَراٹی لٹ ءُ کٹ اوار ءِ ۔
لشکر نا بندغ آک زاتی سلاہ، خیسن ، زر و ایلو قیمتی آ گڑاتِے دزی کریسہ تینتو دریر۔
دا دوران پاکستانی لشکر 2 بندغ ءِ زورانسری دریسہ بیگواہ کرے ارافک امجد ولد بلال و محمد قاسم ولد حاجی کریم داد ئٹ نا پن تے ئٹ چاننگ مسُر۔
ہندن 27 فروری آ قوضہ گیر آ لشکر خاران نا عیلاقہ گواش ئٹی صلاح الدین سیاپاد نا اُراغا چھاپہ خلک و اودے درے ،
صلاح الدین آجو مننگ آن پد ٹپ آتے سہنگ کتو وَ شہید مس ۔
ایلو نیمہ غا مند ئٹی گوبرو نا ہند آ اینو لشکر نا ہشت موٹرسائکل نا قافلہ ئس بس گوبرو قبرستان ءِ گھیرہ کریے و بلوچستان لبریشن فرنٹ نا شہید آ سنگت شہید میجر کریم عرف مُلا بہرام و ھزّا عرف میرل نا قبر آتا بیرک آتے مُر کریے ۔
پاننگ مننگ ءِ کہ لشکر دسکان ہموڑے مورچہ کرینے توسنے۔
