زورانسری بیگواہ مروکا و بلوچ شہید آتا بین برانز گدان ءِ 5045 دے پورو مس۔
اواری کن سی پی آئی پی نا جنرل سیکریٹری امداد قاضی تینا سنگت آتون اوار بس۔
ہندا رد ئٹ وی بی ایم پی نا وائس چیئرمین ماما قدیر بلوچ ہیت کریسہ پارے کہ اینو ہزار آ بلوچ آتا قربانی، مشکل آتے سگنگ آن پد فکری پختگی نا ایسر ءِ سر مریسہ بلوچ اینو جہان نا مونا منظم ءُ ادارہ ئسینا دروشم ئٹ مونی بسُنے۔
او مونی پاریر کہ پاکستانی لشکر و اونا ایجنسی تا کاریم تیان ہرکس پوہ ءِ اوفتے اسہ بلوچ نسل کُش لشکر ئسینا پجار ئٹ درُست کیرہ۔ پاکستانی لشکر بیگواہ بلوچ آتے دروغ ئنا مقابلہ تیٹی خلیک تینا میار آتے ڈھکنگ کن ہندی ڈیتھ اسکواڈ آتے ہر اختیار ءِ تسُنے۔
او آخر ئٹ پارے کہ وزیر داخلہ نا بھلُنی ٹی بلوچ نسل کُش لشکر ایف سی و سی ٹی ڈی جتا ءُ سیل ئس اڈ تسُنے ہرا بیگواہ مروکا بلوچ آتے دروغ ئنا مقابلہ تیٹی خلنگ ئٹی گیشی ہتنگ نا خُلیس ءِ تیک۔
