بیگواہ بلوچ و شہیداتا بین برانز گدان ءِ 5061 دے پورو مس۔
اواری کن کوئٹہ آن بلوچ وطن پارٹی نا نوہ رکنی وفد حیدر رئیسانی نا بھلُنی ٹی ماما قدیر نا بین برانز گدان آ بس اوفتون جہانزیب قمبرانی، فیصل بلوچ، منیر احمد رئیسانی تون اوار گودی رئیسہ رئیسانی نا بُھلنی ٹی اوار مسُر۔
ہندا رد ئٹ وائس فار بلوچ مسنگ پرسنز نا وائس چیئرمین ماما قدیر بلوچ پارے کہ ہر دے ،ہر تو غلام کن اسٹ ءُ۔ ہر دے بندغ آتا جون تا رسینگ ہردئی ہیت ئس جوڑ مسُنے۔
اوفک مونی پاریر کہ ایلو تو تا وڑ مئی ٹی ہم ہندا وڑ جون آتا رسینگ،جبر ئٹ بیگواہی و ریاستی ڈیتھ اسکواڈ نا دو آن بندغ آتا خلنگ برجاء مسُنے۔
اوفک ہیت کریسا پاریر کہ انسانیت نا زی آ زوراخی و نسل کش لشکری کاروائی تیٹی اغواء کاری و بیدس عدالت آن خلنگ دشمن نا قوضہ ءِ برجاء تخنگ نا بھلا سلاہ ءِ۔
اوفک آخر ئٹ پاریر کہ مضبوط ارادہ آتون مظلوم آتا پُر ایمن جدوجہد و تینے قربان کننگ دشمن ءِ بھُس کرو۔
