ریڈیو زْرمبش براہوئی | ریڈیو زْرمبش براہوئی,Mama-qadeer,Mama-qadeer-VBMP-camp,hungercampofmissingpersonsandmartyrs,Completed-5052-days,In-this-old-age-he-is-constantly-struggling-for-Baloch-missing-persons

زورانسری بیگواہ مروکا و شہید مروکا بلوچ آتا بین برانز گدان ءِ 5052 دے پورو مس۔

اواری کن پشین آن بروکا پی ٹی آئی نا ممبر حاجی محمد کاکڑ ،اسد اللہ آغا، شکرالدین کھرل، عزیز اللہ ترین، نصیب اللہ یوسفزئی بسوسُر۔

ہندا رد ئٹ بروکا تیتوں ہیت کریسہ وی بی ایم پی نا وائس چیئرمین ماما قدیر پارے کہ ہرافک تینا ذات آن پیش تمسہ اجتماعی سوچ ءِ تینا کیرہ ریاست ہموفتے نشانہ کیک ہندا سوب آن داخس بندغ ئٹی مخلوق تینے بے وس محسوس کیک۔

او مونی پارے کہ بلوچ راج پر ایمن جدوجہد کن قربانی تننگ ءِ ہندا سوب آن پاکستانی لشکر و اونا ڈھکوک ادارہ آک بلوچ راج ئنا دشمن مسُنو بلوچستان نا جتا انگا ہند آتا بلوچ آتے جبر ئٹ بیگواہ کننگ ہردے ئی ہیت ئسے۔ کوہلو، کاہان، بولان و ہیب کھیب ئنا شہر و خلق آتیٹی ہڑدے لشکر کشی مننگ ءِ ہراڑے بلوچ ورنا و بزرگ آتے شہید کننگک یا بیگواہ کننگک۔ ہرا بلوچ آک تینا جبر ئٹ بیگواہ مروکا بندغ آتے کن پر ایمن جدوجہد کیرہ اوفک عظیم مریرہ۔

او ایسر ئٹ پارے کہ بلوچ ہرا سرزمین نا ہزار سال آتیان مالک ءِ اودے ہموڑے اوفتے کن زمین ءِ تننگ کننگانے و بلوچ آتے کن کاروبار نا کُل در آک بند کننگانو ولے نشہ و منشیات ڈھکوک ادارہ آتا رکھ ئٹی برجاء ءِ۔