اسرائیلی فارن انٹیلی جنس سروس نا سروک موساد نا پاننگ ءِ کہ ایران یوکرین ئٹی جنگ کروکا روس ءِ پوسکنو سلای تننگ ئٹی پین ودکی کننگ ءِ۔ اسرائیل نا صدارتی رہائش گاہ آ یہودی تا روشنائی نا تہوار ”ہنوکہ“ نا چھٹی تا وخت آ تدوکا دے کروکا تقریر ئٹی پارنیا پارے کہ ہندی پریس رپورٹ نا رد ئٹ ایران روس ءِ پوسکنو سلاء تننگ خواہک۔ او دا بابت ئٹ ودیک شابیتی حوال تتنے۔
پارنیا نا پاننگ ئس کہ نن ایران نا آخبت نا بابت ئٹ خبڑدار کننگ اُن، روس ءِ پوسکنو سلاء تننگ ئٹی ودکی کننگ ءِ ولے دا ہیت ءِ ڈھکنگ نا ہم کوشست کننگ ءِ۔
او پارے کہ نن ایران نا دروغ آن بیدس روس ءِ سلاء تننگ نا بابت ئٹ ہیت کرین و نن داڑان واخب اُن۔ او پارے کہ موساد تون تہران نا حالیت نا بابت ئٹ باز حوال ارے۔
یات مرے کہ تہران تینا منَہ جوہری سلاء تے سبوتاژ کننگ و تینا سائنسدان آتے خون کننگ نا دوبہ ءِ موساد آ خلکنے۔
