بندغ ارا ڈغار آ کہ ودی مریک تینا چنکی ئے ہموڑے گوازی ٹی گدریفک و بھلن مریک اوڑے اونا سیال و عزیز آک زند گدریفرہ اوفتون اوار خوشحال او زند ئس گدریفرہ او جاگہ نا خرن آ کشار آتیتون اودے مہر مریک ۔
اودے او جہہ نا ہر گڑا تو مہر مریک او جہہ نا ہر اسہ بوچ ڈغار نا فرزند آتے دوست مریرہ۔ ہر بندغ ئے وطن تو مہر مریک بندغ آتے او جہہ نا موسم دوست مریک تینا ڈغار نا ارا جہہ آ کہ گام تے تخرہ او ہچ است آن دننگ مفسہ او جہہ نا یات آک بندغ نا طبیعت نا اسہ بشخ ئس مریرہ ھمو اونا وطن مریک و او جہہ نا بندغ آتے اوفتا ڈغار بھاز دوست مریک۔
ہر بندغ تینا وڑ ئٹ ڈغار تو مہر کیک ولہ ہندنو ہم بھاز بندغ مریرہ ارا تینا زند آن زیات تینا ڈغار تو مہر کیرہ و تینا زند ئنا آخریکو ساعت آتے ہم ڈغار کن ندر کیرہ۔
ڈغار تو مہر کننگ ھمودے پارہ کہ او تینا ڈغار نا خواہوک تینا ڈغار تو مہر نا اسہ خواہش ئس تینا ڈغار نا رکھنگ و تینا راج ئنا رکھنگ ئے۔
وختس کس ئے ڈغار تو مہر مریک گڑا او دا خواہیپک کہ کنا ڈغار آ پین کس برے قوضہ کے و کنا راج ئے تینا غلام کے۔
اینو وچستان نا رکھنگ کن تینا راج ئے رکھنگ کن تینا ڈغار نا قیمتی آ دلوت آتے رکھنگ کن دا ڈغار نا فرزند آتا اسہ بھلو کاروان ئسے کہ مدام تینا ڈغار و تینا راج ئے رکھنگ کن سنگر و مش تیٹی قطار او ہندن پارہ کہ عشق ہمو ناجوڑی ئے کہ کس ئس اسہ وار عشق ئنا پڑ آ ہنا گڑا او تینا ساہ و کاٹم ئے سدخہ کیک ڈغار نا عشق اسہ ہندنو ناجوڑی سے کہ بندغ اخس پائہ کہ است آن دیو ولہ است آن دننگ کپک ورنا غا فرزند آک تینے ندر کیرہ بلوچستان آ سدخہ مننگ نا بھاز قصہ ارے ہندا سدخہ مروکا تیٹی اسٹ ورنا سنگت شہید ظہور حمل جان عرف بالی ئے ہرا مدام راج و زمین ئے رکھنگ کن سنگر تیٹی تولوک اس و دشمن ئے نسخان تننگ نا جہد ئٹی اس۔
جہد کار ہچ دا سوچیپک کہ اینو ای تینا سنگت آتے تو اوار اٹ مون آ نن جتا مرون انتئے کہ ننا سفر یقین اے ننا زند و مرگ ہم اوار ئے ننا مزل اسٹ ئے نن ہر وخت اوار ان ننا شہید آک مریر یا ننا زندگیک مریر شہید سلمان حمل اسہ شعر اسیٹی پائک کہ
ای کہو تو چٹوہ انت
ہر اسٹ ئٹ دوارہ ای اٹ
چا کہ نن اینو شہید مرینہ الے کہ نن خننگ مفنہ ولہ دا کسر ئٹی تانکہ اسہ سرمچار ئس زندہ سلیک دنچا نن کھل زندہ اون و جنگ ئٹی اوار ان و مون پہ مزل آ روان ان نن دا ڈغار نا خوشبودار آ خاک ئٹی اوار ان۔
ہر اسہ سرمچار نا توفک نا توار ئٹی نن اوار ان ہر اسہ سرمچار تو سنگر ئٹی تولوکن و جنگ ایتنہ۔
زندہ سلوکا سنگت شہید بالی بلوچ راجی جہد ئٹی بڑز او مش ئسے نا وڑ محکم اس شہید بالی بلوچ راجی آجوئی سنگر ( براس) تو اوار مریسہ تینا جہد ئے برجا تخا او اسہ وخت ئس ہم تینا جہد ئے نزور مننگ کن الیتو و ہر وخت تینا سنگت آتیتو بشخندہ ئس۔
شہید ظہور حمل عرف بالی بلوچ آجوئی سنگر بی ایل ایف تون تفوک ئس شہید بالی تینا محکم آ جہد ئتو کیپٹن نا عخدہ آ سر مسس و او جوانو وڑ ئسے ئٹ کاریم کریکہ و مونا روان ئس کہ 19 جون 2022 نا دے اکن شہید بالی تینا سنگت شہید سمیر شہید تاھیر شہید ناصر شہید سگار و شہید حمل تو اوار اسہ سفر ئسے آ ہننگٹی مریرہ کہ پنجگور نا ہند انجیری کوہ آ پاکستانی لشکر تو مون پہ مون مریرہ و اسہ ترند او جنگ ئس برجاہ مریک و ہرے اسکان سمکاری و بمب کاری مریک ہند جنگ ئٹی شہید بالی تینا سنگت آتون اوار تینا پاک آ ڈغار آ تینا دتر ئے شولسہ سدخہ مریرہ
شہید بالی و شہید تاھیر رضا جان نا تیرتیج ئے پدا دتر ئٹ پالیفیر۔
