یوکرین نا زی آ روس ئنا جلہو کننگ آن پد فوج ئنا دوٹی کروکا جاگہ تے آن روسی فوج ئنا پیشتمنگ آن پد اجتماعی قبر ئس خننگانے ہراڑان چار سد ءُ چِل بندغ نا جونک دو تمانو۔
یوکرین پولیس نا سروگان سرحیف بالوینوف رسانکدار ئٹی تران کریسہ پارینے کہ ۔
دا اجتماعی قبر یوکرین نا ہند ازیوم ئٹی خننگانے کہ ہندا جہہ ئے موہٹ روسی لشکر دوٹی کرینے ، منہ دے مریک کہ روسی لشکر دا جہہ ءِ یلہ تسونے و نرانے ۔
او پارینے کہ روس ئنا دوٹی کننگ آن پد آجو مروکا جہہ تے آن کُل آن بھلا اجتماعی قبر ہندادے کہ دانا تہٹی چار سد ءُ چل بندغ نا جون دو تمانے ، ہندا بندغ آتا بھازاک زمینی فوج ئنا سُمکاری آن بیران مسونو ، دا باروو ئٹ روسی لشکر نا نیمہ غاں ہچ وڑو گپ ئس مونا بتنے ۔
جہانی رسانکدر نا ردئٹ روسی لشکر نا ہننگ آن پد یوکرین نا صدر ولادیمر زیلنسکی ازیوم نا شار آ تر ءُ تاب ئکن ہنانے و یوکرینی لشکر نا کڑد ئے جوانو دروشم ئسے ئٹ ساڑانے ۔
یوکرین نا صدر اجتماعی قبر آن بھاز انگا بندغ آتا جون تا دو تمنگ آن روسی لشکر نا زی آ بہتام خلکُنے و پارینے کہ چاننگ مرے کہ شار ازیوم یوکرین نا بنجائی شار کیف ئنا کھیب ئنا ہند ئٹی روسی لشکر جلہو ءِ بناء کرے و توس۔
یوکرین و اونا مغربی خڑک ئنا ڈیھ تیٹ روس ئنا زوراکی و جنگی میاربایانی نا زی آ الزام خلکُنے و پارینے کہ تیبہ اپریل نا تو ئٹی ماریوپول ئٹی روسی لشکر نا کروکا جلہو تیٹی ہزار آتا کچ لس بندغ بیران مسُنے ۔
