اوغانستان ئٹی اقوام متحدہ نا مشن طالبان آ دوبہ خلکُنے کہ او اوڑے کاریم کروکا ٹولی نا زالبول آتے خولیفنگ ئٹی ءُ۔
حوال تروک ادارہ “اے ایف پی” ، نا رپورٹ نا رد ئٹ اقوم متحدہ نا نیمہ غان دا دعویٰ ہمو وخت مونا بس ہراتم طالبانک اوغانستان ئٹی ساڑی اوفتا کاریم کروک ٹولی نا 3 زالبول ءِ سر و سوج کن دزگیر کریسہ تینتون دریر ـ۔
تدوکا سال اگست ئٹی دوارہ اوغانستان نا حکومت ءِ دوئی کننگ آن پد طالبان اسلام نا بابت ئٹ تینا متشدد نظریہ آتے پورو کننگ کن زالبول تیا سخت ءُ رکھ خلک و اوفتے السی زندگی آن مُر کرے ـ۔
اوغانستان ئٹی اقوام متحد نا کمکی مشن (یو این اے ایم اے) اسہ بیان ئسے ٹی پارے کہ اوغان زالبول تیا ساڑی اقوام متحدہ نا کاریم کروک ٹولی ءِ طالبان نا نیمہ غان پریشان کننگ نا ساف ءُ مثیل مونا بسنے۔
بیان ئٹی اوفتا پاننگ ئس کہ اقوام متحدہ کن کاریم کروک 3 اوغان زالبول ءِ طالبان نا سلاء بند سیکیورٹی کارندہ آک سر و سوج کن وار وار آ دزگیر کیرہ ۔
