نوٹس:دا درونا حال ئسے۔
زیارت تدینی آن پد گورنر ہاوس نا مون آ ریڈ زون ئٹی برجاء بلوچ بیگواہ بندغ آتا خاہوت آتا برانز ئے اینو 48 دے پورو مسنے ۔
48 دے پد مہ پد برانز کننگ آن بھاز آ خاہوت آک ناجوڑ مسُنو برانزی گدان آ اوفتا دوا درمان ہم برجاء ئے موسم نا ترندی ٹی پد مہ پد برانز آن خاہوت آک کمزور و ناجوڑ مننگ ءُ ولے خواست آتا پورو کننگ ئٹ اسہ ہم پیشرفت ئس خننگیسہ اف۔
خاہوت آتا پاننگ ئے کہ اوفتے امیت ئے کہ تدوکا دے تیٹی زوراکی ئٹ بیگواہی تیا سلوک وفاقی کمیٹی زو برانز نا جاگہ غا بریسہ اوفتون مِلّو و اوفتا جائز خواست آتیا عمل کننگو۔
ساف مرے کہ 21 جولائی آن برجاء برانز نا دورہ ئٹ ہم داسکان بلوچستان ئٹی ہڑ دے نا بنیات آ زوراکی ئٹ بیگواہی تا لڑ سلتنے بلکن اندا دورہ ٹی ریاستی لشکر نا نیمہ غان آپریشن نا پن آ فیک انکاونٹر آتا سلیفنگ کِن دا ریاست داسکان سوبر اف۔
