وائس فار بلوچ مسنگ پرسنز نا جنرل سیکریٹری و بلوچ ہیومن رائٹس ایکٹیوسٹ سمی دین بلوچ تینا ٹیوٹر آ نجمہ دلسرد نا تدینی آ افسوس کریسہ پارے کہ” نجمہ بلوچ اسہ قابل و خوانندہ ءُ زالبول ئس اسک ہرا تینا ہند ئٹی خوانیفیکہ۔
ریاستی توفک ءِ دوٹی ہرفسہ پنی آ ڈیتھ اسکواڈ بندغ آتا کمائی، اوفتا مال آتے ہرفسہ تینا عیاشی کن سرکاری و ذاتی فائدہ کِن و ہراڑے انتس کننگ خواہِر تینا مرضی ئٹ بندغ آتا زند ءِ برباد کیرہ۔
آواران نا ہندی نجمہ بلوچ ءِ تنگ و بلینگ آن دا کچ آ ذہنی پریشانی نا گواچی کننگا کہ او تینا زند ءِ تینٹ ختم کرے۔
دا اولی تدینی اف کہ سرکاری سرٹیفیکٹ والا کارندہ سرکاری کاریم کروکا زالبول آتے تنگ کننگ و اوفتے مخبری کننگ کن مجبور کننگ نا بھاز انگا تدینیک مونی بسُنو۔
ننا ہند مشکے گرلز اسکول ئٹی آرمی نا کارندہ آک اسکول ئٹی بریرہ باپردہ زالبول آتون گھنٹہ آتا گھنٹہ غیر ضروری ہیت و اوفتا ذاتی زندگی نا بابت سوج کریسہ تننگ کیرہ۔
جنگ ئٹی ہر گڑا ءِ جائز پاروکا ادارہ آتے پاننگ خواوہ کہ دُن انگا تدینیک قابل قبول افس، بائدہ حکومت دافتا نوٹس ءِ ہلے۔
