ریڈیو زْرمبش براہوئی | ریڈیو زْرمبش براہوئی,British-,against-Russian-private-militias-

لندن (آئی این پی) برطانیہ روس ئنا پرائویٹ ملیشیا ویگنر ٹولی ئے کالعدم تنظیم پارِسا رکھ خلنگ نا فیصلہ کرے۔ رکھ آن گڈ ویگنر ٹولی ٹی اوڑدئی یا اونا کمک اسہ ڈوہداری ئس پاننگو۔

برطانوی میڈیا نا رد ئٹ برطانیہ نا پارلیمنٹ ئٹی ویگنر ٹولی آ رکھ ئنا بارث ئٹ اسہ ڈرافٹ ئس مونا ہتنگا ہرا نا منظوری آن گڈ روسی پرائویٹ ملیشیا ئے کالعدم تنظیم پارِسا اونا مڈی تے توننگو۔

دا بارث ئٹ برطانوی وزیر داخلہ نا پاننگ اس کہ ویگنر ٹولی نہ بیرہ شدت پسند و بھس کاری کروکو ٹولی ئسے بلکہ روسی صدر ولادیمیر پیوٹن کن اسہ عسکری سلاہ ئسے، ہرا نا یوکرین و افریقہ ٹی کروکا کاریمک جہانی سیکورٹی کن خطرہ ءُ۔

وزیر خارجہ سویلا برویرمین پارے کہ ویگنر ٹولی چرجوئی ئٹ عدم استحکام تالان کننگ ءِ و دا کاریم بیرہ روسی سیاسی سواد آتیکن کننگِک۔ دا تخریب کار ءُ و برطانیہ نا قانود دا بارث ئٹ پاش ءِ۔