پاکستان نا صوبہ خیبرپختونخوا نا ضلع خیبر نا تحصیل جمرود ئٹی ڈنّی ڈیہہ آن سیل اَکن بروکا تے پولیس نا کنڈ آن فریشان کننگانے۔
روسی آن سیل اَکن بروکاک دوبہ خلکنو کہ ’26 اگست آ اوفتے جمرود ئٹی پولیس نا کنڈ آن توننگا و زالبول نا عکس آتے کشنگ نا کوشست کننگا، پولیس نا روشت نا سوب آن زالبول ہوغنگ ئے بناء کرے۔
ترجمان ٹورازم اتھارٹی سعد بن اویس نا رد ئٹ خیبر پولیس سیل اَکن بروکا تے واپس کرینے۔ پولیس نا رد ئٹ او اوغانستان آ ہِننگ خواہسُرہ۔
ترجمان پارے کہ تدینی نا نوٹس ہلنگانے و سیکریٹری ٹورازم ہوم ڈیپارٹمنٹ آن شابیتی ئٹ حوال آتا خواست ئے کرینے۔ اونا پاننگ اس کہ تدینی نا بارث ئٹ پٹ ءَ پول ئٹی ایف آئی اے ئے اوار کننگانے، پولیس نا کارندہ آتا برخلاف کاروائی کننگو۔
ایلو کنڈ آ ڈی پی او خیبر سلیم عباس پارے کہ سوشل میڈیا آ وائرل مروکا روسی تا معاملہ ٹی ہچو راستونکی ئس اف۔ ڈی پی او نا رد ئٹ ڈنی ڈیہہ آن سیل کن بروکا تے پولیس سیکیورٹی ٹی رکھوک طورخم آ دننگانے و پدا رکھوک واپس پشاور آ ہتنگانے۔
