ریڈیو زْرمبش براہوئی | ریڈیو زْرمبش براہوئی,Protest-,of-baloch-students,of-,bahadurkhan-university-Quetta-,pharmacy-department-,For-not-giving-NOC-and-other-basic-facilities-

بلوچستان نا پائتخت کوئٹہ ٹی سردار بہادر خان وومن یونیورسٹی نا فارمیسی بشخ آن 250 آن زیات خوانندہ آتا نیمہ آن سہولت آتا و این او سی وے مننگ نا سوب آن برانز کننگا۔

برانزی تا پاننگ اس کہ فارمیسی نا ہشتمی سیمسٹر چلنگ ءِ ولے دائسکان فارمیسی بشخ ئکن فارمیسی کونسل نا نیمہ آن اسہ این او سی اس ہم شینک کننگتنے ہراڑ کن مستقبل ئٹی خُلیس نا گواچی ءُ۔ یونیورسٹی نا کالخواہ تا نابودی آن 250 آن زیات خوانندہ آتا مستقبل خطرہ ٹی ءِ۔ یونیورسٹی نا کالخواک سہولت تننگ کریر نا ہائیر اینوکیشن نا نیمہ آن این او سی ہلنگ کریر۔

حوال آتا رد ئٹ کونسل باسک آک تدوکا دے یونیورسٹی نا دورہ کننگ خوائسُر ولہ اوفتے پاننگا کہ ہفتہ نا دے اکن یونیورسٹی بند مریک ۔ این او سی وے رسینگنگ نا سوب آن خوانندہ آک برانز شروع کریر ہراکان پد کالخواک پولیس ءِ خوائیفیر۔

یونیورسٹی نا کالخواک گیٹ آتے بند کریسا خوانندہ آتے تہٹی بند کرینو و نا میڈیا ءِ کوریج کن النگ ءُ۔

برانزی تا نیمہ آن یونیورسٹی نا کالخواہ تے اسہ توہ ئنا وخت تننگانے اوکان پد اوفک سخت ءُ گامگیج ہرفور۔