چمن شال کراچی اسکا ، شال ژوب اسلام آباد اسکا ،سبی سکھر اسکا ، شال آن بلوچستان نا باز جہہ تا کسر ءِ بند کینہ ، دا اعلان ءِ بلوچستان زمیندار ایکشن کمیٹی جاری کرینے ۔
اعلامیہ نا پاننگ ءِ زمیندار ایکشن کمیٹی نا نیمہ غان 2 مارچ نا سہب ہفت بجہ غان بیگہ نا پنچ بجہ اسکا ہڑتال مریک ۔
عوام ٹرانسپورٹر کُل طبقہ نا مخلوق آن دست بندی ءِ ہڑتال ءِ کامیاب کننگ کہ ننتون ببو ۔ ہڑتال نا وختا ایمبولینس و میت ( جون ) تا کسر ئٹ ہِننگ نا اجازت مریک ۔
بلوچستان زمیندار ایکشن کمیٹی نا پاننگ ءِ کہ بلوچستان ئٹی فصل والا زمین تا صرف اِرا گھنٹہ لین تس آن ھچ گڑاس مفک ۔ زمیندار تیتون ناروا سلوک آ نن چپ مفنہ ۔
اوفک پاریر ہر سال لین ئنا ہِننگ و بَننگ آن دیر ئنا کمی آن او کھاد نا وے رسینگ آن زمیندار آتا فصل و باغاک تباہ مریرہ ۔
ایکشن کمیٹی وفاق نا ظلم نا بارو ئٹ پارے اسلام آباد ئٹی وفاقی حکومت تو ملاقات کرینن اودے کُل حالت آتا بِنفین ۔ پارلیمان نا اسہ گروپ ئس اسلام آباد نا وفاقی وزیر انجینئر خُرم دستگیر ، خواجہ آصف تون ملاقات کرینو ولے وفاق نا وزیر تا سخت او غیر مناسب رویہ او بلوچستان زمیندار تون ظالمی ئسے او بلو دڑدی او ہیت ئسے ۔
او چیف ایگزیکٹیو کیسکو ءِ حکم تِسُنے بلوچستان ءِ صرف اِرا گھنٹہ لین ایتبو تانکہ کُھل فصل او باغاک خشک مریر بارِر کار ۔
اوفک پاریر بلوچستان نا کُل ،قومی ، سْیاسی جماعت آتا بلَا تون دست بندی ءِ او وفاقی حکومت نا ہٹ دھرمی نا خلاف ءَ توار بُڑز کیر ۔
