شال: بلوچستان فزیو تھراپی ایسوسی ایشن نا سر کماش ڈاکٹر راشد رحمت ،ڈاکٹر مقبول و ایلوفک پارینو اگہ ننا خواست آک پورو متوس تو عید آن پد نن اسہ مجلس ئس اڈ ترون و پدا مونا زیات برانز کرون۔ دا ہیت آتے اوفک شال پریس کلب نا مونا برجاء برانز گدان ئٹی کانفرنس کریر و پاریر۔
اوفک پاریر کہ بلوچستان مڈی آن پُرے ولے داڑے بندغ آک ہزارا جیڑہ غا تون مون تننگ ءُ۔ ہرا وخت کہ نن پریس کلب آ برینہ ننے بندغ آک جتا جتا ویل آتا زی آ برانز کریسہ نظر بریرہ ہرا سرکار نا بےسہبی نا نشانی ءِ۔
اوفک پاریر صحت مند مننگ ہر بندغ نا بنیاتی حق ءِ ولے افسوز کہ بلوچستان نا بندغ آک دا بنیاتی حق آن محروم ءُ۔ ننا تنظیم تدوکا 22 دے آن پریس کلب نا مونا تینا حق آتے کن برانز کننگ ءِ ولے کوالخواہ و سرکار نا پارغان داسکان ءِ کس ئس ننا کنڈا بتنے و ننا فزیو تھراپی نا جیڑہ غاتا زی آ ہچو سرپدی ئس اف۔
اوفک مونی پاریر کہ دا بابت آ نن صحت نا وزیر تون توسن اُن ہیت کرین اُن ولے پدا ہم دا بابت آ ہچو عمل کننگ متنے ۔ نن دا پریس کانفرنس نا رد ئٹ سرکار آن ہندا خواست۔ءِ کینہ کہ ننا حق آک مننگ مریر نہ تو نن عید آن پد زیات برانز کننگ نا پڑو ءِ کرون۔
