برازیل نا لیجنڈری فٹبالر پیلے 82 سال نا عمر آ کذیت کرے۔
جہانی میڈیا نا ادارہ نا رد ئٹ فٹبال نا جہاں نا بھلا کھلاڑی، برازیلی فٹبال نا آئیکون و راجی ٹیم ءِ مسہ وار ورلڈ کپ کٹیفوکا پیلے 82 سال نا عمر ئٹ کذیت کرے۔
پنی آ فٹبالر نا مسڑ کیلی نیسکیمینٹو اونا کذیت نا حال ءِ پک کریسہ انسٹاگرام آ پیام ئٹی نوشتہ کرے کہ اینو نن انت اس کہ ارین نا برورد ءِ ،نن نیتون بے کچ مابت کینہ ،سکون ئٹ آرام کر۔ لیجنڈری پیلے بلا روتینک نا کینسر نا آماچ اسک ،اودے ستمبر 2021 ئٹی کینسر نا تشخیص مسَس اوکان پد او اسپتال ئٹی زیر علاج اسک۔
رپورٹس نا رد ئٹ پیلے 1957 آن تہ 1977 اسکان تینا کیریئر نا وخت آ 831 کلب گیمز تیٹی 757 گول اسکور کریسس ولے کلب سینٹوس آتا پاننگ ءِ کہ اونا گول آتا کچ ہزار آن ہم گیش ءِ ۔ اوفک راجی ٹیم ئکن کلان بھاز 77 گول ئنا ریکارڈ کریسَس اودے داسا نا کھلاڈی نیمار برابر کرینے۔ لیجنڈری فٹبالر 1958،1962 و 1970 ئٹی فیفا ورلڈ کپ ئنا فاتح برازیل ٹیم ئنا بشخ اسک۔
