ریڈیو زْرمبش براہوئی | ریڈیو زْرمبش براہوئی,Paank-human-rights-org-bnm,Paank-is-the-human-rights-wing-of-baloch-national-movement-(BNM),Paankmonthlyreport,January-2023,Pakistani-army-arresting-baloch-civilians-then-making-them-disappear,Baloch-national-movement-largest-political-party-seeking-freedom-for-occupied-balochistan-by-pakiatani-army

*جنوری نا توو ئٹی بلوچستان آن 41 بندغاتے زوانسری بیگواہ کننگا۔ پانک نا ماہانہ رپورٹ

*جنوری نا توو ئٹی بلوچستان آن 41 بندغاتے زوانسری بیگواہ کننگا۔ پانک نا ماہانہ رپورٹ

FEB

09
09 / 02 / 2023 بی این ایم  ,  پاکستان 61

شال: بندغی حق تا ادارہ پانک ( بی این ایم ) نا ماہانہ رپوٹ ئٹی جنوری 2023 نا توو ئٹی پاکستانی لشکر بلوچستان آن 41 بندغاتے جبرئٹ بگواہ کرینے۔اوفتِیٹی18 خوانندہ و اسہ صحافی اس اوارءِ ۔دافتیٹی14 جبرئٹ بیگواہ مروکا بندغاک سخت جسمانی و ذہنی تکلیف آن پد پاکستانی لشکر نا اذیت خانہ تے آن یلہ کننگار۔


 


پانک نا رد ئٹ دسمبر 2022 و جنوری 2023 ئٹی بلوچستان ئٹی ابید عدالت آتا بندغاتے زورانسری بیگواہ کننگ و پدا دزگیری ٹی خلنگ ئٹی گیشی بسونے۔


 


پانک نا نیمہ آن شینک مروک آ رپوٹ ئٹی ہندا پاننگانے کہ دا وڑ ابید عدالت بندغاتے زورانسری بیگواہ کننگ و پدا خلنگ اقوام متحدہ نا کنونشنز نا تیوعہ خلاف ورزیءِ ۔


 


 بندغاتے زندان کننگ و زندان ئٹی اذیت کننگ بندغی حق آتا برخلافءِ ارا بازنگا جہانی معاہدہ تیٹی اوارءِ ،بشمول جہانی حق آتا اعلامیہ،شاری و سیاسی حق جہانی معاہدہ آک، تشدد و ایلو ظلماک، غیر انسانی تذلیل آک و سزا دا کُل کنونشن آتا برخلافءُ عمل ئسے۔


 


رپوٹ ئٹی ہندا پاننگانءِ کہ جبرئٹ بیگواہ مروک و ظلم جہانی سطح آن شیف خلنگانے آن پد ہم بلوچستان ئٹی جبر ئٹ قوضہءِ برجاء تخنگ کِن کارمرز مننگءُ ۔


 


پانک ہندا خواستءِ کیک کہ جہانی ایلُمک پاکستان ءِ جواب دہ کیر و بندغی آتا رکھنگءِ یخینی جوڑ کننگ کاروائی نا عملءِ مونی ہتیر۔ اقوام متحدہ و ایلو جہانی تنظیماتے مظلوم آ تا رکھنک کننگ کِن کاریم کرویہ و متاثر مروکا خاہوت آتے کُمک ہم کروئیءِ ۔


 


پانک اقوام متحدہ ٹی یو پی آر ( یونیورسل پیریڈک  ری ویو ) نا 42 می اجلاس ٹی ہندوستان، اسرائیل، ہالینڈ، اٹلی، پیراگوئے و ایلو ڈیہہ تا ذکرءِ کرسہ پارے کہ دا کُل ڈیہہ آل پاکستان ٹی زورانسری بیگواہی تے خلاس کننگ کِن زور شاغِر و پاکستان ءِ مذہبی و ایلو صنف ( جینڈر ) تا حق آتا رد ئٹ تینا ہیت و تحفظاتاتے تیر۔ پانک دا ڈیہہ آتا کردار نا تعریفءِ کرے۔