ریڈیو زْرمبش براہوئی | ریڈیو زْرمبش براہوئی,Protest-camp,In-quetta-redzone-infront-of-governor-house,Protest-will-be-continued-till-the-release,Of-missing-mahal-baloch,Mahal-baloch's-family-and-other-will-be-protesting-till-her-safe-release,Pakistani-army-and-agencies-are-doing-cruelty,On-baloch-women-,children-and-youngesters

بلوچ زالبول ماہل بلوچ نا غیر قانونی دزگیری ءِ اینو ہفت دے پورو مس ولے اونا آجوئی دائسکان ممکن متو۔ اونا خاہوت اینو بی ایم سی آن کمشنر ہاوس و پدا شام ئنا وخت آ برانز دھرنا ءِ ریڈ زون ئٹی گورنر ہاوس نا رئی آ سر کریر۔

بیگواہ آ بلوچ زالبول ماہل بلوچ نا خاہوت میڈیا تون ہیت کریسہ پارے کہ ماہل نا زی آ دا ناجائز و دروغ انگا مقدمہ آتے خلیسہ تدوکا ہفت دے آن سی آئی ڈی اودے تینا غیر قانونی دزگیری ٹی کرینے، ننا برانز ئنا بس اسہ خواست ئسے کہ اونا زی آ مروکا دروغ انگا مقدمہ آتے ختم کرسہ اودے آجو کننگ مرے ۔ اونا آجوئی اسکان ننا برانز ریڈ زون ئٹی گورنر ہاوس نا مونا برجاء مرو۔ اوفک کوئٹہ آن انسان دوست و خاص بلوچ الس آن خواست کرینو کہ اوفک دا پر ایمن و قانونی برانز ئٹی اوفتو اوار مریر تانکہ ماہل بلوچ فوج ئنا غیر قانونی دزگیری آن آجو مرے۔

یاتی مرے کہ ماہل بلوچ نا غیر قانونی دزگیری و بیگواہی نا ایلو دے بلوچ وومن فورم نا کال ئٹ اونا خاہوت و ایلو بندغاک اوار مرسہ کسٹم گائی خان چوک آ برانز ہم کریر ہراڑے کالخواہ تے 48 گھنٹہ نا مہلت تسوسُر و اوفک برانز ءِ بند کریسر ولے اینو ہفت دے گدرینگ آن پد ہم ماہل بلوچ نا ہچو حوال اس اف ۔