ریڈیو زْرمبش براہوئی | ریڈیو زْرمبش براہوئی,In-mashkai-balochistan,Attack-on-Pakistani-forces-,jhaki,and-miyani-kalat,pakiatani-army-and-death-squads-are-operating-in-manjo-(mountain-between-jahoo-and-mashkai)-burning-trees-into-ashes

مشکے ٹی سلاہ بند بندغ آک پاکستانی لشکر نا چوکی و ڈیتھ اسکواڈ نا کارندہ آتا زی آ جلہو کریر۔

حوالکار نا رد ئٹ نادُرست سلاہ بند آ بندغ آک پنچ شمبے نا شام ئنا نوہ بجہ ءُ نیم آ مشکے نا میانی کلات نا ٹک آ برجاء انگا قوضہ گیر پاکستانی لشکر نا چوکی آ راکٹ و بھلا سلاہ تیٹ جلہو کریر۔ جلہو ہُرے اسکان برجاء مس و سُمکاری ءُ تراک آتا توار مُر مُر اسکان بننگا۔ قوضہ گیر آ پاکستانی لشکر ءِ جانی نسخان رسینگ نا حال ارے۔

حوالکار نا رد ئٹ اینو سُہب ئنا پنچ بجہ نا وخت آ مشکے نا ہند جکی ٹی نادُرست سلاہ بند آ بندغ آتا و پاکستانی لشکر نا ڈیتھ اسکواڈ کارندہ آتا نیام ئٹ جھڑپ ئس مس، دا مون پہ مونی جھڑپ ہُرے اسکان برجاء مس۔ پاکستانی لشکر نا ڈیتھ اسکواڈ نا کارندہ آتے جانی نسخان رسینگ نا حال ارے۔

ہندی حوالکار نا رد ئٹ جکی نا جلہو آن پد پاکستانی لشکر مشکے و جھاؤ نا نیامی مش منجو ٹی لشکر کشی کننگ ءِ اوفتا کُمک کن جنگی جہاز آک ہم بسُنو۔

حوالکار نا پاننگ ءِ کہ منجو مش تا نیام ئٹ مولّ خننگانے بے سُہب آ پاکستان نا قوضہ گیر لشکر ہندا جاگہ نا درخت و بوچ آتے خاخر تننگ ءِ۔

یاتی مرے کہ بلوچستان ئٹی پاکستانی لشکر و اونا ڈیتھ اسکواڈ نا زی آ مروکا جلہو تہ ذمہ واری ءِ آجوئی دوست آ گَل آک ہرفینو ولے دا جلہو نا بابت آ دائسکان ہچو درشان ئس مونی بتنے گیشتر حوال آتے کن ننا سرسوج برجا ءِ ۔