شال: زورانسری بیگواہ مروکا بلوچ بیگواہ و شہید آتا بین برانز گدان ءِ 4751 دے پورو مس۔
ماما قدیر و نصر اللہ بلوچ توںُ اوار مچھ بولان آن بیگواہ آ لال محمد مری نا لُمہ و کلیم اللہ نا خاہوت تولوک ئس۔ اواری کن اسحاق ایڈوکیٹ، عمران ایڈوکیٹ و ایلوفک بسر۔
ہندا وخت ماما قدیر پارے کہ ریاست تینا دہشت گردی نا کاروائی تیٹی ودکی ہیسونے و بلوچستان بندغی حق آتا رد ئٹ اسہ بلیک ہول اس جوڑ مسنے۔
اوفک پاریر کہ اسہ وخت اس ریاست طالبان نا پن ئٹ بلین آتا ڈالر ہلیسہ اوفتے بلوچ و پشتون تا نسل کُشی کن کاریم ئٹ ہیسکہ۔
اوفک ایسر ئٹ پاریر کہ بندغی حق آتا ادراہ آتا نیمہ آن نوٹس شینک کننگ آن پد ہم بلوچستان ئٹی بندغی حق آتے لتاڑنگ ئٹی ہچو کمبوتی بتنے۔
