بلوچستان نا ہند خضدار ءُ مشکے آن نیاڑی ئسیتون اوار مُسِہ بندغ نا جونک خننگانو۔
لیویز فورس ئے درو زیدی نا علاقہ آن اِرا بندغ نا جونک دو تمانو دا جونک اسِہ نیاڑی ءُ نرینہ ئسینا مسونو۔ دئسکان اوفتا پجار متنے ہندی بندغ آک پارہ کہ مننگ کیک کہ جونک خضدار آن تعلق تخوکو بندغ آتا مریر۔ تومکا جون آتے خضدار ہسپتال نا مردہ خانہ غا دُرست کننگ کِن دننگانے۔
مسٹمیکو جون ئنا پجار علی احمد ولد عیسیٰ نا پِن ئٹ مسونے، علی احمد مشکے میانی قلات نا ہندی ئسے اودے تدوکا دے نا دُرست آ سلاہ بند آ بندغاک بیگواہ کریسُر۔
حوال آتا رد ئٹ اونا جون مشکے نا عیلاقہ بانسر آن دو تمانے۔ لیویز فورس دا بابت ئٹ پین پٹ ءُ پول کننگ ئٹی ئے۔
