کیچ ئٹی مسہ پین بندغ زورانسری ئٹ بےگواہ کننگا۔
بروکا حوال آتا رد ئٹ اینو پیشیم آ ضلع کیچ ئنا بھلا شار تربت ئٹی اسپتال نا ڈن آن سلاہ بند آ بندغ آک بسُر ، و ظہیر و اونا ایلم پیرجان ولد لشکر خان ئے بیگواہ کریر۔
تومکا ایلم تا زورانسری بےگواہی آن پد حوال بس کہ زہیر درونا سے ناجوڑ مسُنے ، و اسپتال ئٹی اونا علاج مننگ ئٹی مسُنے ، اینو اوفک اسپتال آن فارغ مسُر تو ڈن آ پیشتمنگ تون اوار اوفتے بےگواہ کننگا۔
ایلو نیمہ غا میٹرک نا نودربر عادل ولد عصاء ، بالگتر نا ہندی ئے زورانسری ئٹ بےگواہ کریر و ایلو ساڑی آ بندغ آتا موبائل تے ہم تینتو دریر ۔
