ریڈیو زْرمبش براہوئی | ریڈیو زْرمبش براہوئی,Attack-on-pakistani-forces,In-jewani,gwadar,Three-killed-and-six-personnels-got-injured,Balochfreedomfighters

حوال آتا رد ئٹ تدوکا دے گوادر نا ہند جیوانی دران ئٹی پاکستانی لشکر نا قافلہ آ مروکا جلہو ئٹی 3 کارندہ کھسکُر و 6 آن زیات ٹپی ءِ۔

جلہو ئٹی خلنگ مروکا کارندہ آتا اِرٹ نا پجار سپاہی سمیر ثاقب و حوالدار وقار نا پن تے ئٹ مسونے و ٹپی مروکا تیٹی لانس نائیک محبوب،سپاہی مُدثر ،سپاہی سلیم،سپاہی عرفان،سپاہی جُنید،سپاہی طاہر اوارءُ۔

حوال آتا رد ئٹ ٹپی مروکا کارندہ آتا حالت بھاز خرابءِ گُمان ارے کہ خلنگ مروکاک زیات مریر۔

جلہو نا رد ئٹ ریاستی میڈیا نا پاننگءِ کہ سلاء بند بندغاک لشکر نا قافلہ ٹی اسہ لاری ئسے بمب ئٹ نشانہ کریر و ایلو توفک آتے ئٹ بلو جلہو اس کریر۔

یاتی مرے دا جلہو نا اولی حوال آتے درو شینک کریسُن، ریاستی میڈیا تینا عادت نا رد ئٹ دا جلہوءِ میڈیا آن مُر تخنگ کن بھاز کوشش کریر ولے دا جلہو بھاز بلُن اسک اوفک ہم مجبور مریسہ دانا تصدیقءِ کریر۔

گوادر یا بلوچستان نا ایلو ہنداتیٹی دُننگ آ جلہو تہ ذمہ واری تے بلوچ آجوئی خواہوک تنظیم آک ہرفسہ کرینو واہم دا جلہو نا ذمہ واریءِ دائسکاں کس اَس ہرفتنے۔