اگہ ہندا واقعہ بلوچستان ئٹی مروس تو دانا نتیجہ ٹی دانا نیم آبادی ئے کھسفنگ مس ئس ۔
آجوئی دوست آ رہنما ڈاکٹر اللہ نظر بلوچ پاکستان نا ساڑی آ حالیت آتے بلوچستان تون موازنہ کریسہ پارے کہ بلوچستان ئٹی بنیاتی انسانی حق آک معطل ءُ ، قوم پرست و سیاسی جماعت آک سیاست آ قدغن ءُ ، وخت ئس کہ ہزار آتا کچ ئٹ بندغ آک غیر اعلانیہ ، غیر قانونی ، و ڈھکوک انگا ادارہ تا مرکز آتے ٹی قید ءُ ، ہزار آتا کچ بےگواہی نا وخت آ کھسفنگ مسُنے ، اوفتا جرم بیرہ دا مسُنے کہ او سیاسی و پرامن جہد ئنا وکالت ئے کرینو ، اراکہ راجی آجوئی و انسانی حقوق آتا خلاف ورزی نا وڑ انگا مسئلہ آتا زی آ ہیت کرینو ، پنجاب یعنی حقیقی پاکستان ئٹی مظاہرہ تا نتیجہ ٹی سرکاری بندغ آتا اُرا تیتون اوار اوار کُھل گڑاک ہم ہُشنگ مسُر ، واہم لشکر تینا طاقت ئے کارمرز کتو اوفتے خیر آ مننگ کِن ، پاکستانی لشکر نا نیمہ غان دا واقعات آ ردعمل ئٹی کمی دا پائک کہ بلوچ ، سندھی و پشتون ، تون ایلو راج آک تینا موازنہ پنجاب تون کپس۔
