کوئٹہ : بلوچستان ئٹی کورونا وائرس نا دہ کیس رپورٹ منگ آن پد 35821 ئنا کچ بندغ زیمی مسونو۔ ـ
کورونا وائرس آپریشن سیل برجاہ کروکا رپورٹ ئنا رد ئٹ تدوکا 24 ساہٹ ئٹی صوبہ ٹی 5 ضلع آن کورونا وائرس نا 402 بندغ نا کورونا وائرس ٹیسٹ کنگ مسونے ہرافتٹی 10 بندغ نا ٹیسٹ آ تیٹ کورونا وائرس رپورٹ مسونے و پین 71 بندغ نا رپورٹ بروئی ارے ـ۔
رپورٹ نا رد ئٹ بلوچستان ئٹ کورونا وائرس نا جوڑ آتا کچ 66 ءِ او تدوکا 24 ساہٹ ئٹی کورونا وائرس نا تالان مننگ نا شرح 2.49 درسد ریکارڈ مسونے رپورٹ نا رد ئٹ بلوچستان ٹی داسہ کورونا وائرس ئٹی 378 بندغ بیران مسونے۔
