زیارت تدینی آن گُڈ گورنر ہاوس نا مونا ریڈ زون آ برجاء بلوچ بیگواہ آ بندغ آتا خاہوت آتا پارہ غان برانز ءِ اینو 29 دے پورو مس ۔
اینو ضلع کیچ ئنا ہندی و 5 فروری 2015 ٹی شال آن بیگواہ اسرار برکت نا خاہوت برانز ئٹی اوار مریسہ و برانز نا بشخ جوڑ مس ، اسرار برکت نا ایڑ عائشہ برکت سوشل میڈیا آ شینک کروکو اسہ ویڈیو بیان ئسے ٹی تینا ایلم نا آجوئی نا خواست ءِ کرے ۔
بلوچ بیگواہ تا خاہوت آتا پارہ غان برانز ءِ تُو اس پورو مننگ ءِ ولے داسکان اوفتا خواست آتے پورو کننگ آ ہچو عمل اس متنے، تدوکا دے خاہوت آک و ایلو سیاسی جماعت و خوانندہ گل ئنا باسک آتا پارہ غان اسہ ریلی اس ہم کشنگاسس ۔
برانز ئٹی اینو ہم سیاسی و چاگڑدی باسک آک دڑد خوری نا درشانی کننگ کن بریسہ کریر, ہندن اینو تیز پِھر مننگ نا لڑ ہم برجاء اس ہرانا سوب آن برانز ئٹی ساڑی بندغ آتے بھاز انگا ہڑاند آ تون مون تروئی تما ۔
