مشکے آواران نا ہند مشکے تنک ئٹی زوراکا پاکستانی لشکر نا زوراکی اسہ وڑ ئٹ برجاء ـ
حوال کار ئنا رد ئٹ تدوکا چار توو آن پاکستانی لشکر تنک ئنا جتا جتا اِنگا میتگ گمشاد گوٹھ ، رشید گوٹھ ، کریم بخش بازار ، وشی بازار ، جلال بازار ، آزم گوٹھ ، عبدالرحیم گوٹھ، ملنگ بازار ، خان محمد بازار ، ملا گوٹھ و زاہد آباد نا بندغ آتے تینا کیمپ آ خواہفینے و اوفتے آن زور ئٹ کاریم ہلنگ ئٹیءِ بندغ آک پاکستانی لشکر نا زوراکی تیان بیزار ءُ ـ
حوال کار آتا رد ئٹ میتگ آتا بندغ آک ہر وخت پاکستانی لشکر نا زوراکی تا گواچی مسونو ولے دا وار چار تو مریک کہ پاکستانی لشکر نا زوراکی اسہ وڑ آ برجاءءِ ہر دے بندغ آتے تینا کیمپ آ خوائفک و زور ئٹ کاریم ہلنگ ئٹیءِ ـ
ہندی بندغ آک ریڈیو زرمبش نا حوال کار آتیتون کلہو کرینو کہ ننا کاریم روزگار و دکانداری مالداری ءِ اخہ وخت ءِ لشکر ننے نا حق تینا کیمپ آ خواہفنگ ئٹی ئے و کاریم ہلنگ ئٹی ئے اگہ نن اونا گپ ئے ہفپن سزا ایتک و ہنپنگ نا تڑی ایتک ـ
اوفنا پاننگ ءِ کہ ننے ہر وخت ہندا تڑیءِ یترہ پارہ کہ سرمچار آک نُمے ارا کاریم نا پار اوفتا کاریم تے کیرے ننافتے کپیرے ـ
