عراق ئٹی حریف شیعہ کیمپ آتا نیام ئٹی بھلو وخت ئسے آن شروع اقتدار نا کشمکش روان ہفتہ سڑک آتا خونریز تشدد نا دروشم اختیار کرے ، ارا بھاز تو آن برجاہ کشیدگی و سیاسی تعطل نا نقطہ عروج ئے ۔
تاغت ور عالم دین مقتدیٰ الصدر نا وفادار آک ڈیھ ئٹی سرکاری گرین زون ئے فرنٹ لائن ئٹی بدل کریر ، و سیکیورٹی فورسز و حریف ملیشیا تون سُمکاری نا تبادلہ آن دارالحکومت ئے 24 گھنٹہ اسکان مفلوج کرے ۔
چھار شمبے آ مقتدیٰ الصدر نا تقریر ئٹی اسہ لوز یعنی ٔانخلاء تو اوار جنگ بند مس ، او حامی تا سلاہ تے شیف کریر و ہنار ۔
دا ہندا عالم دین نا مقتدیٰ الصدر نا ایرانی حمایت یافتہ حریف و سیاسی اشرافیہ کن پیغام و دا نسخان نا خطرناک آ مثال اسک ، و ہندافتا پیروکار ہندا ملک ءِ چاننگ نا صلاحیت تخک ۔
ہندافتا انخلاء نا اعلان آن پد نگران وزیراعظم تون اوار عراقی رہنماک مقتدیٰ الصدر نا شکریہ ادا کرے ، و اوفتون تحمیل نا صفت ءِ کرے ۔
مقتدیٰ الصدر سڑک آتا بدامنی کن تینا پیروکار آتے حکم تننگ کیک و ہندا وڑ ئٹ اوفتے واپس ہننگ نا ہم پاننگ کیک ، اوفک دا بھلا وخت آن تینا سیاسی اثر و رسوخ ءِ ہندا صلاحیت آن حاصل کرینے ۔
دوشمبے آن اوفک اعلان کریر کہ او سیاست ءِ یلہ ایتک ، اونا ہندا اعلان آن عراقی تے ہندا نشان تس کہ وختس ضبط ئنا توار پُلنگ مرے ، گوڑا انت مریک ، انتشار ، تبائی و مرک ۔
مظاہرہ و شدید جھڑپ آک سلیسُر اراٹی دائسکان 30 بندغ کسھک و 400 آن زیات ٹپی مسونو ، لیکن او سیاسی تعطل دائسکان ختم متنے ، اراڑان بدامنی دا باب اسکان سر مس ۔
تو، مقتدیٰ الصدر انت خوائک ، انت عراق نا بحران وخت ئس ایسر مرو ؟
