بلوچ اسٹوڈنس آرگنائزیشن نا مرکزی جارکش تینا شینک کروکا درشان ئٹی پارے کہ قائد اعظم یونیوسٹی ٹی پشتون کونسل نا نیمہ غان بلوچ نودربر تیا ٹولی کریسہ جلہو کننگ قابل مزمت ءُ عمل ئسے ، دُننگا جارحانہ و لغوری آ اعمال آک فقط فاشسٹ قیادت آتا نیمہ غان ممکن مننگ کیرہ ارا ہچو دروشم ئسے ئٹ قابل قبول افس۔
مرکزی جارکش پارے کہ پشتون و بلوچ راج آتا اسہ تاریخی دروشم سیٹی اسٹ ایلو توں مدتگاری و خیرخواہی مسونے ، ولے ہندافتا نیام ئٹ خلنگ و جنگ ئنا فائدہ قابض ءِ مسونے و خیر آ دننگ نا سوب مسونے ، پشتون کونسل نا نیمہ غان محکوم آ بلوچ آتیا ٹولی کریسہ جلہو کننگ حاکم تون مکمل کوپہ تننگ نا برابر ئے مُہان ہم پشتون راجدوست قیادت بلوچ راج آ سامراجی ظلم و ستم آ خاموشی اختیار کرے ارانا نسخان پشتون تے ہم مس ، ننے مہان نا غلطی تیاں سبخ سکھنگ خوائک۔
بلوچ آتے آ دُنننگا جلہو آ پشتون مزاحمتی قیادت بالخصوص منظور پشتون نا ردعمل حوصلہ افزا ءِ ولے دونا شیف ئنگا و فسطائی آ اعمال تا توننگ کے بلوچ و پشتون قیادت آتے اسہ جہہ آ مریسہ ایسر کننگ خوائک ، دا عمل اِرا محکوم او راج آتے خلنگ و نسل کشی نا نیمہ غا دھکہ تننگ نا منظم ءُ سازش اسینا برابرے۔
