بلوچ اسٹوڈنس فرنٹ نا جارکش تینا شینک کروکا مزمتی درشان ئٹی پارے کہ قائد اعظم یونیورسٹی اسلام آباد ئٹی پشتون دکاندار ، تاجر و ایلو حلقہ آتے سیالی تخوکا تے مُچ کریسہ بلوچ نودربر آتے آ جلہو اسہ احمقانہ و جاہلانہ عمل ئسے ارانا اخس ہم مزمت ءِ کننگ مرے کم ءِ ،مظلوم آ راج آتے تینتو جنگ تننگ اسہ جوڑ کروک سازش ئسے ، ولہ پشتون راج و سنجیدہ آ حلقہ آتے خواہک کہ او دا منصوبہ و پالیسی تے پوہ مریر نہ تو بلوچ تینا رکھ اکِن تاغت ئٹ جواب تننگ ءِ جوان چائک ۔
اوفک پاریر کہ مظلوم آ راج آتا تینتو جنگ ئنا وخت اف ، بلکہ اوفتے اسہ جاہ مریسہ دا تاغت آتا برخلاف جدوجہد کروئی ءِ ، ارا ننا ہزار آتا سال ئنا رشتہ ءِ شناخت و تاریخ ءِ لغت کننگ نا جیڑِرہ ، بلوچ پشتون ہمسایہ مننگ تون اوار اوار اوفتا تاریخی او رشتہ ئس ارے ۔ داسہ خوائک کہ کُل سنجیدہ آ حلقہ آک اوار مریر و دا سازش ءِ ناکام کیر اگہ نہ توں تومکا راج آتے سزا سگوئی تمک و فائدہ دژمن ءِ رسینگو ۔
درشان نا ایسر ئٹی اوفک پاریر کہ بلوچ نودربر آتے آ جلہو ءِ نن اسہ احمقانہ و جاہلانہ عمل ئس پوہ مرینہ ، بلوچ نوجوانک بے وارث افس کہ اراوخت است خواہے تو اوفتے آ جلہو کیر، بلوچ نا تاریخ ئٹی تینا چائنداری ئس ارے بلوچ تینا رکھ اکن تاغت ئٹ جواب تننگ ءِ جوان چائک ۔ پشتون نودربر آتے تینا دا تاریخی غلطی آ نظرثانی کریسہ بلوچ نودربر آتے آن معافی خوائنگ خوائک ۔
